سچ خبریں:امریکی ذرائع ابلاغ نے وائٹ ہاؤس کے افریقی نژاد عملے کی ایک بڑی تعداد کے بڑے پیمانے پر استعفیٰ کی اطلاع دی۔
المیادین چینل کی رپورٹ کے مطابق امریکی خبری ذرائع نے بڑی تعداد میں وائٹ ہاؤس کے سیاہ فام اور افریقی نژاد عملے کے استعفیٰ کی اطلاع دی، رپورٹ کے مطابق، پولیٹیکو نے استعفوں کی وجہ افریقی نژاد امریکیوں کو روزانہ کی بنیاد پر درپیش مسائل میں کوئی تبدیلی کرنے میں ناکامی کے احساس کو قرار دیا۔
پولیٹیکو نے استعفوں کی دیگر وجوہات کے طور پر عہدہ داروں کی جانب سے ملازمت میں امتیازی سلوک اور غفلت کا حوالہ دیتے ہوئے مزید کہا کہ گزشتہ سال (2021) کے آخر سے 21 سیاہ فام ملازمین وائٹ ہاؤس چھوڑ چکے ہیں، اخبار نے امریکی نائب صدر کملا ہیرس کے مشیر سائمن سانڈرز کو وائٹ ہاؤس چھوڑنے والے پہلے شخص کے طور پر نامزد کیا اور کہا کہ استعفوں نے بائیڈن انتظامیہ کی کوششوں کو نقصان پہنچایا، جو تکثیریت اور اقلیتوں کو مواقع فراہم کرنے کا دعویٰ کرتی ہے۔
پولیٹیکو نے مزید کہا کہ استعفے اتنے نمایاں ہیں کہ کچھ عملے نے اسے بلنکزٹ کا نام دیا ہے، جو برطانیہ کے یورپی یونین سے نکلنے کےبرگزٹ کے مترادف ہے، واضح رہے کہ ریاستہائے متحدہ میں پچھلے کچھ دنوں کے سروے سے پتہ چلتا ہے کہ 75% افریقی نژاد امریکی نسل پرستانہ حملوں کا شکار ہونے کے بارے میں فکر مند ہیں۔