وائٹ ہاؤس سائبر حملوں سے پریشان

?️ 23 مارچ 2022

سچ خبریں:وائٹ ہاؤس کی سائبر سیکیورٹی کے ایک سینئر عہدہ دار نے کہا کہ اہم امریکی کمپنیوں کو ڈیجیٹل خطرات کی وجہ سے اپنے سائبر دفاع کو مسلسل بہتر بنانے کی ضرورت ہے۔
وائٹ ہاؤس کے چیف سائبر سیکیورٹی عہدہ دار این نیوبرگر نے کہا کہ ضروری بنیادی ڈھانچہ فراہم کرنے والی اہم امریکی کمپنیوں کو روس سے لاحق ڈیجیٹل خطرات کے پیش نظر اپنی سائبر دفاعی صلاحیتوں کو بہتر بنانے کی ضرورت ہے۔

نوبرگر نے کہا کہ امریکی حکومت نے حال ہی میں سیکڑوں امریکی کمپنیوں کو خفیہ رپورٹس فراہم کی ہیں جنہیں روسی ہیکرز کے ہاتھوں نشانہ بنایا جا سکتا ہے، یہ انتباہ خطرے سے متعلق معلومات کے ارتقاء پر مبنی ہے،درایں اثنا وائٹ ہاؤس نے پیر کے روز ایک تحریری بیان بھی جاری کیا جس میں امریکی صدر جو بائیڈن کو متنبہ کیا گیا ہے کہ ماسکو سائبر حملے کر سکتا ہے کیونکہ ہم نے اس پر غیرمعمولی اقتصادی اخراجات عائد کیے ہیں۔

یاد رہے کہ اس سے قبل، فیڈرل بیورو آف انویسٹی گیشن اور یو ایس نیشنل سکیورٹی اینڈ سائبر سیکیورٹی ایجنسی نے ایک بیان میں کہا تھا کہ ہم نے روس کی طرف سے دفاعی کمپنیوں پر سائبر حملوں کا مشاہدہ کیا ہے، ان حملوں کی اہمیت پر زور دیتے ہوئے، بیان میں مزید کہا گیا کہ ماسکو نے ان سائبر حملوں کے ذریعے حساس معلومات حاصل کی ہیں۔