سچ خبریں:یمنی سپریم انقلابی کمیٹی کے سربراہ نے سعودی عرب پر یمن کے حملوں کے بارے میں سعودی حکام کے دعوؤں کو مسترد کرتے ہوئے کہا کہ "مکہ” کے خلاف سعودی عرب کے اقدامات میزائل حملوں سے زیادہ خطرناک ہیں۔
المسیرہ چینل کی رپورٹ کے مطابق یمنی سپریم انقلابی کمیٹی کے چیئرمین محمد علی الحوثی نے سعودی عرب کے ذریعہ مسلمانوں کو حج کا فریضہ ادا کرنے سے روکنے کے بارے میں ٹویٹ کیا، رپورٹ کے مطابق یمنی سپریم انقلابی کمیٹی کے سربراہ نے ٹویٹ میں کہا کہ سعودی عرب کے ذریعہ حج کی ادائیگی سے مسلمانوں کو روکنے کے ساتھ ساتھ عازمین کی تعداد کو کم کرنے کا خطرہ میزائلوں حملوں سے زیادہ ہے، الحوثی نے بھی مکہ کے جنوبی حصے میں میزائل حملے کے بارے میں یمن کے خلاف سعودی الزامات کی تردید کرتے ہوئے کہاکہ جو بات واضح طور پر نظر آتی ہے وہ یہ ہے کہ مکہ کے خلاف سعودی اقدامات کو میزائلوں سے زیادہ خطرناک سمجھا جاتا ہے۔
انہوں نے کہا کہ سعودی حکام یمنی عوام کو مارنا ضروری سمجھتے ہیں، لہذا یہ حیرت کی بات نہیں ہے کہ وہ ہم پر الزامات کی بوچھار کریں، یہ سب سے چھوٹا کام ہے جو وہ کرسکتے ہیں۔
واضح رہے کہ سعودی عرب نے امریکہ کی حمایت اور کچھ دیگر عربی ریاستوں کے ساتھ مل کر پچھلے چھ سال سے یمن کے خلاف جارحیت شروع کر رکھی ہے جس کے نتیجہ میں اس ملک کا نوے فیصد بنیادی ڈھانچہ تباہ ہو گیا ہے نیز ہزاروں بے گناہ افراد اپنی جان سے ہاتھ دھو بیٹھے ہیں جن میں زیادہ تعداد معصوم بچوں اور بے گناہ خواتین کی ہے۔
