مغربی کنارے میں صیہونی فوج کی بے بسی

?️ 18 جولائی 2023

سچ خبریں: فلسطینی ذرائع نے اعلان کیا کہ گزشتہ 24 گھنٹوں کے دوران مقبوضہ مغربی کنارے اور بیت المقدس میں 20 مزاحمتی کاروائیاں کی گئیں۔

فلسطینی ذرائع ابلاغ کے مطابق معطی ڈیٹا سینٹر نے اپنی ایک رپورٹ میں اعلان کیا ہے کہ مغربی کنارے اور مقبوضہ بیت المقدس میں گزشتہ 24 گھنٹوں کے دوران 20 مختلف مزاحمتی کاروائیاں کی گئیں۔

یہ بھی پڑھیں: مزاحمتی تحریک کی ایک بار پھر صیہونیوں کو چوٹ

مرکز نے اس بات پر زور دیا کہ ان کاروائیوں میں دو فائرنگ، ایک اسرائیلی واچ ٹاور کو آگ لگانا، صیہونی آباد کاروں کے حملوں کا مقابلہ اور اسرائیلی فوجیوں کے ساتھ 12 جھڑپیں شامل ہیں۔

اس رپورٹ کے مطابق ان کاروائیوں میں ایک صیہونی فوجی اور 5 قابض آباد کار زخمی ہوئے ہیں،درایں اثنا صیہونی فوج کی بھرپور حمایت کے ساتھ آج بروز منگل باب المغاربہ کے داخلی راستے سے متعدد صیہونی آباد کاروں نے مسجد الاقصی پر حملہ کیا۔

اس حملے کے دوران صیہونی فوجی بھاری تعداد میں مسجد اقصیٰ کے دروازوں اور صحنوں پر تعینات تھے اور صہیونی حملے کی حمایت کر رہے تھے۔

مزید پڑھیں: فلسطینی مزاحمتی تحریک کا ایک نیا میزائل تجربہ

اس سلسلے میں مقبوضہ بیت المقدس کے اسلامی اوقاف نے ایک بیان جاری کرتے ہوئے اعلان کیا ہے کہ درجنوں صیہونی آباد کاروں نے آج صبح اشتعال انگیز کاروائیوں میں مسجد الاقصیٰ پر حملہ کیا اور تلمودی رسومات کا انعقاد شروع کردیا۔

صیہونی جارحیت کی شدت کے بعد، مقبوضہ بیت المقدس میں فلسطینی قومی اور اسلامی گروہوں نے بیانات جاری کرتے ہوئے مسجد اقصیٰ کی حمایت اور حفاظت کے لیے فلسطینیوں کی بڑی تعداد میں موجودگی کی ضرورت پر زور دیا۔