سچ خبریں:نیدرلینڈ میں ایک زیر تعمیر مسجد کو ایک 40 سالہ حملہ آور نے آگ لگا دی۔
نیدرلینڈس میں اسلامی ایسوسی ایشن مغرب کےنائب صدر ، فرید حبیبی نے اناطولیہ نیوز ایجنسی کو بتایا کہ شہر خاوڈا میں زیر تعمیر مسجد کی عمارت کو نذر آتش کردیا گیا جس میں ایک 40 سالہ شخص ملوث تھا ، اس حملے کی مذمت کرتے ہوئے نیدرلینڈ کی اسلامی انجمن کے نائب صدر نے کہاکہ اس مسجد کی تعمیر تقریبا مکمل ہوچکی تھی تاہم اس اسلاموفوبیا حملے نے ہمیں شدید متاثر کیا اور پریشان کیا۔
فرید حبیبی نے مزید کہا کہ پولیس میں شکایت درج کی گئی ہے ، انہوں نے مزید کہاکہ پولیس نے اس واقعے کی تفتیش شروع کردی ہے،درایں اثنا ڈچ پولیس نے بھی اعلان کیا کہ گذشتہ رات 03 بجے ایک چالیس سالہ شخص نے اس مسجد کو نذر آتش کیا۔
واضح رہے کہ حالیہ برسوں میں مغربی ممالک میں اسلام دشمنی اپنے عروج پر پہنچ چکی ہے کہیں مسلمانوں پر حملے ہوتے ہیں تو کہیں ان کے مقدس مقامات کو نقصان پہنچایا جاتا ہے اور کہیں اسلام کے خلاف پروگنڈے کیے جاتے ہیں نیز بے گناہ مسلمانوں پر دہشتگردی کا الزام عائد کرکے انھیں گرفتار کر لیا جاتا ہے اوپر سے ستم ظریفی یہ ہے ان ممالک کی حکومتیں اسلامی مراکز پر حملہ کرنے والوں کو دہشت گرد تک کہنا گورا نہیں کرتی کیونکہ انھیں دہشت گرد صرف مسلمانوں ہی میں دکھائی دیتے ہیں جس سے ان ممالک میں رہنے والے مسلمانوں کے اندر خوف وہراس دیکھنے کو ملتا ہے اور وہ ان تمدن یافتہ ممالک میں اپنے کو غیر محفوظ سمجھتے ہیں۔
