مسلمان میئر کے ساتھ وائٹ ہاؤس کا توہین آمیز سلوک

?️ 3 مئی 2023

سچ خبریں:پراسپیکٹ پارک نیو جرسی کے مسلمان میئر کو وائٹ ہاؤس میں داخل ہونے کی اجازت نہیں دی گئی۔

اناطولیہ نیوز ایجنسی کی رپورٹ کے مطابق امریکی خفیہ سروس نے نیو جرسی کے پراسپیکٹ پارک کے میئر محمد خیر اللہ کو وائٹ ہاؤس میں صدر جو بائیڈن کی جانب سے منعقدہ عید الفطر کی تقریب میں شرکت کی اجازت نہیں دی۔

اس حوالے سے محمد خیر اللہ نے کہا کہ استقبالیہ تقریب میں داخل ہونے سے قبل انہیں وائٹ ہاؤس سے ایک فون کال موصول ہوئی جس میں کہا گیا تھا کہ خفیہ ادارے نے انہیں شرکت کی اجازت نہیں دی اس لیے وہ اس تقریب میں شرکت نہیں کر سکتے۔

انہوں نےیہ کہتے ہوئے کہ وائٹ ہاؤس نے خفیہ سروس کے اس فیصلے کی وجہ نہیں بتائی، کہا کہ یہ فیصلہ مایوس کن تھا، خیر اللہ نے فیڈرل بیورو آف انویسٹی گیشن (ایف بی آئی) کی دہشت گردی کی واچ لسٹ ، جس میں دس لاکھ سے زیادہ مسلمان شامل ہیں، کا حوالہ دیتے ہوئے واضح کیا کہ مسئلہ کسی تقریب میں شرکت کا نہیں ہے،اصل مسئلہ اس کے پیچھے کی وجہ ہے اور وہ ایک فہرست ہے جو میری شناخت کی وجہ سے مجھے نشانہ بناتی ہے۔

انہوں نے کہا کہ امریکہ کے اعلیٰ ترین عہدیدار کو ایسے معاملات میں نہیں پڑنا چاہیے،امریکی خفیہ ایجنسی کے ترجمان انتھونی گگلیلمی نے تصدیق کی کہ پراسپیکٹ پارک کے میئر کو وائٹ ہاؤس میں داخلے کی اجازت نہیں دی گئی،نیو جرسی میں امریکن مسلم ایڈووکیسی اینڈ سول لبرٹیز آفس (CAIR) کے ڈائریکٹر صلاح الدین مقصود نے وائٹ ہاؤس کے اس اقدام کو ناقابل قبول اور ذلت آمیز قرار دیا۔

امریکہ میں مسلمانوں کے تحفظ اور شہری آزادیوں کے تحفظ کے دفتر کے سربراہ نے اس ملک کی حکومت سے دہشت گردی کی واچ لسٹ کو ختم کرنے کا کہا اور کہا کہ اس فہرست میں خیراللہ نام کا ایک شخص بھی ہے۔

یاد رہے کہ نیو جرسی کے پراسپیکٹ پارک کے میئر محمد خیر اللہ کی عمر 47 سال ہے اور وہ ایک استاد ہیں اور 2006 سے پراسپیکٹ پارک کے میئر کے طور پر کام کر رہے ہیں نیز انہیں نیو جرسی کے اعلیٰ مسلم عہدیداروں میں سے ایککے طور پر جانا جاتا ہے، 2019 میں چھٹیوں سے واپس آنے کے بعد کسٹمز اینڈ بارڈر پروٹیکشن (سی بی پی) کے اہلکاروں نے نیویارک کے ہوائی اڈے پر 4 بچوں اور بیوی کے ساتھ مسلمان ہونے کی وجہ سے3 گھنٹے تک ان سے پوچھ گچھ کی۔