مسجد الاقصی پر ایک بار پھر صیہونی یلغار

?️ 30 جولائی 2023

سچ خبریں: صیہونی فوج کی بھرپور حمایت سے متعدد صیہونی آباد کاروں نے مسجد الاقصی پر حملہ کیا۔

العہد ویب سائٹ کے مطابق صیہونی فوج کی بھرپور حمایت سے آج اتوار کو متعدد صیہونی آباد کاروں نے باب المغاربہ کے داخلی راستے سے مسجد الاقصیٰ پر حملہ کیا۔

اس حملے کے دوران صہیونی فوجی مسجد اقصیٰ کے دروازوں اور صحنوں میں وسیع پیمانے پر تعینات تھے اور صیہونی حملے کی حمایت اور پشت پناہی کر رہے تھے۔

یہ بھی پڑھیں: صیہونیوں کا مسجد الاقصی کے خلاف جارحیت کا منصوبہ؛مقابلے کی اپیل

اس سلسلے میں مقبوضہ بیت المقدس کے اسلامی اوقاف نے ایک بیان جاری کرتے ہوئے اعلان کیا ہے کہ درجنوں صیہونی آباد کاروں نے آج صبح اشتعال انگیز کاروائیوں میں مسجد الاقصیٰ پر حملہ کیا اور تلمودی رسومات کا انعقاد شروع کردیا۔

یاد رہے کہ گذشتہ جمعرات کو کم از کم 2200 صیہونی آباد کاروں نے اس حکومت کے بعض اہلکاروں کے ساتھ مسجد الاقصیٰ پر حملہ کیا،اس حملے میں داخلی سلامتی کے صہیونی وزیر ایتمار کی موجودگی پر علاقائی اور عالمی حلقوں کی جانب سے شدید ردعمل کا اظہار کیا ہے۔

مزید پڑھیں: صیہونی حکومت کا مسجد الاقصیٰ کو تقسیم کرنے کا مذموم منصوبہ

صیہونی جارحیت کی شدت کے بعد، بیت المقدس میں فلسطینی قومی اور اسلامی گروہوں نے بیانات اور مطالبات جاری کرتے ہوئے مسجد اقصیٰ کی حمایت اور حفاظت کے لیے فلسطینیوں کی بڑی تعداد میں موجودگی کی ضرورت پر زور دیا۔