مسجد اقصی کو بچانے کی دعوت

🗓️ 5 مئی 2021

سچ خبریں:قدس بین الاقوامی فاؤنڈیشن نے صیہونی آباد کاروں کے ہاتھوں مسجد اقصی بے حرمتی کیے جانے کے خلاف اس مقدس مقام کے تحفظ کا مطالبہ کیا۔
قدس بین الاقوامی فاؤنڈیشن نے مقبوضہ قدس کے باشندوں اور دیگر فلسطینیوں سے مسجد اقصی کو صہیونی آبادکاروں کے چنگل سے نجات دلانے کے لیے اتوار سے مسجد اقصی میں آنے کا مطالبہ کیا، الغد اخبار کی ویب سائٹ کے مطابق انتہا پسند گروپوں نے سوشل میڈیا پر 28 رمضان کو مسجد اقصی پر حملہ کرنے کا مطالبہ کیا ہے۔

دریں اثنا قدس بین الاقوامی فاؤنڈیشن نے 1948 کے مقبوضہ علاقوں اور مغربی کنارے میں قدس کے رہائشیوں اور تمام فلسطینیوں سے مطالبہ کیا کہ وہ 27 رمضان المبارک بروز اتوار کی سہ پہر تک مسجد اقصی کی حمایت کے لئے یہاں پہنچ جائیں ،یادرہے کہ اس سے قبل عبرانی زبان کے ذرائع ابلاغ نے فلسطین کی اسلامی مزاحمتی تحریک (حماس) کی عسکری ونگ القسام بریگیڈ کے سیکریٹری جنرل ، محمد الضیف کی طرف سے ایک لرزہ خیز بیان شائع کیا تھاجس میں صیہونیوں کے خلاف مزاحمت کے خوف کے اظہار کے بارے میں ان کے ردعمل کا اظہار کیا گیا تھا۔

یادرہے کہ رمضان المبارک کے آغاز سے فلسطینیوں کے خلاف جارحیت مقبوضہ بیت المقدس میں کشیدگی میں اضافے اور مغرب کنارے میں صیہونیوں اور قابض فوج کے فلسطینیوں پر حملے کی وجہ سے حماس کی فوجی شاخ کے سکریٹری جنرل کئی سال کی خاموشی کے بعد صیہونی حکومت کے خلاف سخت بیان جاری کرنے پر مجبور ہوئے ہیں ،انھوں نے کہا ہے کہ حماس ان جارحیتوں کے خلاف خاموش نہیں رہےگی۔