مسجد اقصیٰ کے سلسلہ میں صیہونی حکومت کا فیصلہ سراسر غلط ہے:اردن

?️ 24 مئی 2022

سچ خبریں:اردنی وزارت خارجہ نے اسرائیلی حکام کی طرف سے مسجد اقصیٰ میں تلمودی تقاریب منعقد کرنے کے لیے آباد کاروں کو اجازت نامہ جاری کرنے کے فیصلے کی مذمت کی ہے۔
اسپوٹنک نیوز ایجنسی کی رپورٹ کے مطابق اردن کی وزارت خارجہ نے منگل کو ایک نیا بیان جاری کیا جس میں مسجد اقصیٰ میں صیہونی آبادکاروں کو تلمودی تقاریب کی اجازت دیے جانے سے متعلق صہیونی عدالت کے فیصلے کی مذمت کی گئی۔

اردنی وزارت خارجہ کے بیان میں اس بات پر زور دیا گیا کہ بین الاقوامی قانون کے مطابق مقبوضہ بیت المقدس اسرائیلی عدلیہ کے دائرہ اختیار میں نہیں ہے اور یہ فیصلہ بنیادی طور پر باطل ہے جبکہ اردن اس صہیونی عدالت کے فیصلے کو بین الاقوامی اصولوں اور القدس سے متعلق بین الاقوامی قراردادوں کے بالکل منافی سمجھتا ہے، بیان میں القدس کی حیثیت کو برقرار رکھنے اور اسے تبدیل نہ کرنے کی ضرورت پر زور دیا گیا ہے۔

اردنی وزارت خارجہ نے اس فیصلے کو مسجد اقصیٰ کی تاریخی اور بین الاقوامی حیثیت کی صریح خلاف ورزی قرار دیتے ہوئے اس کے نتائج سے خبردار کیا ہے اور کہا ہے کہ اس فیصے کے بعد اگر بیت المقدس کے حالات کشیدہ ہوتے ہیں یا مزاحمتی تحریک جانب سے کوئی کاروائی کی جاتی ہے تو اس کی ذمہ صیہونیوں پر عائد ہوگی۔