مسجد اقصیٰ میں 40000 افراد کی نماز جمعہ میں شرکت

🗓️ 18 دسمبر 2021

سچ خبریں:فلسطینی ذرائع نے اطلاع دی ہے کہ اسرائیلی فورسز کے سخت حفاظتی اقدامات کے باوجود مسجد اقصیٰ افراد نے اس ہفتے کی نماز جمعہ دسیوں ہزار افراد کی شرکت کے ساتھ ادا کی گئی۔
القدس اسلامی اوقاف کے دفتر نے اعلان کیا کہ القدس شہر میں اسرائیلی پولیس کی پابندیوں کے باوجود اس ہفتے مسجد اقصیٰ میں 40000 افراد نے نماز جمعہ میں شرکت کی جبکہ اس دوران صیہونی حکومت کی فوج نے ہزاروں دوسرے لوگوں کو مسجد الاقصی میں داخل ہونے سے روک دیا،واضح رہے کہ نیویارک میں اقوام متحدہ کی جنرل اسمبلی نے فلسطینی عوام کے حق خودارادیت سے متعلق قرارداد متفقہ طور پر منظور کر لی، اقوام متحدہ میں فلسطینی مندوب نےا س سلسلہ میں ایک بیان میں کہا ہے کہ قرارداد کے حق میں 168، مخالفت میں 5 اور 10 ووٹوں نے غیر حاضری سے منظور کی گئی۔

قرارداد میں فلسطینی عوام کے حق خودارادیت کی توثیق کی گئی ہے جس میں ایک آزاد ریاست کا حق بھی شامل ہے اور اقوام متحدہ سے وابستہ تمام اقوام، تنظیموں اور اداروں سے مطالبہ کیا گیا ہے کہ وہ اس ناقابل تنسیخ حق کے حصول کے لیے فلسطینی عوام کی جتنا ہو سکے حمایت جاری رکھیں، قرارداد میں اقوام متحدہ کی قراردادوں، میڈرڈ معاہدے اور عرب امن منصوبے کا حوالہ دیتے ہوئے 1967 کے مقبوضہ علاقوں پر اسرائیلی قبضے کو فوری طور پر ختم کرنے اور فلسطینیوں اور اسرائیلی فریقوں کے درمیان ایک منصفانہ اور دیرپا سمجھوتہ کی ضرورت پر بھی زور دیا گیا تاکہ اسرائیل فلسطین تنازع مستقل طور پر ختم کیا جاسکے۔