مسجدالاقصی میں 50 ہزار سے زائد افراد کی نماز جمعہ میں شرکت

?️ 31 دسمبر 2021

سچ خبریں:صیہونی حکومت کی جانب سے سخت حفاظتی اقدامات کے باوجود ہزاروں فلسطینیوں نے مسجدالاقصی میں نماز جمعہ ادا کی۔

فلسطین ٹوڈے کی رپورٹ کے مطابق ہزاروں فلسطینی نماز جمعہ ادا کرنے کے لیے مسجد الاقصیٰ میں پہنچے، رپورٹ کے مطابق یہ مجمع ایسی صورتحال میں مسجد الاقصی پہنچنے میں کامیاب ہوا جبکہ صیہونیوں نے آج جمعہ کی صبح سے ہی مسجد الاقصی کے اطراف میں سخت حفاظتی اقدامات کیے ہوئے تھے۔

یادرہے کہ سخت حفاظتی اقدامات کے باوجود فلسطینی مسجد الاقصیٰ تک پہنچ گئے اور صہیونی ان کا مقابلہ کرنے سے قاصر رہے، اس سلسلے میں قدس اسلامی اوقاف کی تنظیم نے ایک بیان میں اعلان کیا ہے کہ آج مسجد اقصیٰ میں 50 ہزار افراد نے نماز جمعہ میں شرکت کی۔

یادرہے کہ صیہونی فوج کی سبزروشی اور حمایت سے صیہونی آبادکار آئے دن مسلمانوں کے قبلہ اول اور مقدس مقام کی بے حرمتی کرنے نظر آتے ہیں، وہ مسجد الاقصی کے صحنوں پر یلغار کرتے ہیں اور اسلام مخالف نعرے بازی کرتے ہیں جبکہ فلسطینی نمازیوں کو مسجد میں داخل ہونے سے روک دیا جاتا ہے۔

قابل ذکر ہے کہ فلسطینی مزاحمتی تحریک بارہا صیہونی حکومت کو انتباہ دے چکی ہے کہ وہ آبادکاروں کے اشتعال انگیز اقدامات کی حمایت کرنے کے بجائے انھیں لگام دے ورنہ نتائج کی خود ذمہ دار ہوگی۔