لندن میں فلسطینیوں کی حمایت میں ہزاروں افراد کا مظاہرہ

🗓️ 30 اکتوبر 2023

سچ خبریں: ہزاروں افراد نے فلسطینی عوام کی حمایت میں لندن کی سڑکوں پر مظاہرہ کیا اور غزہ میں فوری جنگ بندی کا مطالبہ کیا۔

28 اکتوبر کو غزہ کی پٹی میں صہیونیوں کے جرائم کے خلاف احتجاج کرنے والے ہزاروں افراد نے فلسطینی عوام کی حمایت میں لندن کی سڑکوں پر مظاہرہ کیا اور غزہ میں فوری جنگ بندی کا مطالبہ کیا۔

یہ بھی پڑھیں: آئرلینڈ میں فلسطین کی حمایت میں مظاہرے

برطانوی اخبار دی انڈیپنڈنٹ نے لندن کی سڑکوں پر بڑے پیمانے پر ہونے والے مظاہروں کی لائیو کوریج کی اطلاع دی ہے کہ آج کے مظاہرے اسرائیلی وزارت جنگ کی جانب سے زمینی کاروائیوں میں توسیع کے اعلان کے بعد ہوئے۔

اس رپورٹ کے مطابق گزشتہ رات 100 سے زائد جنگی طیاروں نے غزہ میں فلسطینیوں کے ٹھکانوں پر بمباری کی۔

برطانوی وزیر خارجہ جیمز کلیورلی نے اسکائی نیوز چینل کو دیے جانے والے اپنے ایک انٹرویو میں کہا کہ جنگ بندی کی درخواستوں سے صورتحال میں تبدیلی نہیں آئے اس لیے کہ حماس نے ایسی کوئی علامت نہیں دکھائی ہے کہ وہ جنگ بندی چاہتی ہے یا اس کی پابندی کرے گی۔

یاد رہے کہ برطانوی حکومت نے اس سے قبل غزہ کے لوگوں کو انسانی امداد پہنچانے اور تنازعہ کے مقام سے تقریباً 200 برطانوی شہریوں کے انخلاء کے لیے انسانی بنیادوں پر جنگ بندی کا مطالبہ کیا تھا۔

مزید پڑھیں: نیویارک میں ہزاروں لوگ فلسطین کی حمایت میں سڑکوں پر

قابل ذکر ہے کہ صیہونیوں کی جانب سے فلسطینیوں کے خلاف کیے جانے والے جرائم نے پوری دنیا کے لوگوں میں غم و غصے کی لہر دوڑا دی ہے یہاں تک کہ اس سے قبل بھی ہزاروں کی تعداد میں یہودی مظاہرین نے غزہ کے عوام کی حمایت میں نیویارک میں دھرنا شروع کیا اور مطالبہ کیا غزہ میں جنگ بندی کی جائے۔