فٹبال ورلڈ کپ کے ٹنیٹوں میں ایک رات گزارنے کی قیمت

?️ 16 اگست 2022

سچ خبریں:قطر میں2022 کے فٹ بال ورلڈ کپ میں فیفا کے پرتعیش خیموں میں ایک رات قیام کی قیمت 350 پاؤنڈ ہے۔
فیفا نے حال ہی میں قطر کے الخور علاقے میں ایک خیمہ شہر کی نقاب کشائی کی ہے جو ٹورنامنٹ میں فین ولیج کے تجربے کے حصے کے طور پر قطر میں فٹبال ورلڈ کپ کے شائقین کی میزبانی کرنے کا ارادہ رکھتا ہے، یاد رہے کہ نومبر سے ورلڈ کپ کی میزبانی کرنے والے قطر میں ہوٹلوں اور رہائش کی محدود گنجائش کی وجہ سے بیڈوئن ٹینٹ کا استعمال شاید کسی بھی شائقین کے لیے سب سے سستی رہائش ہے جو اپنے ملک کی ٹیم کا مقابلہ قریب سے دیکھنا چاہتا ہے۔

عام اور سادہ خیموں میں قیام کی قیمت کا اعلان پہلے ہی کیا جا چکا ہے جو 200 ڈالر سے زائد ہے لیکن لگژری ٹینٹ، ایک خاص تجربے کے طور پر جو ٹریول ٹینٹ میں ٹھہرنے سے بھی آگے ہے اور کسی 5 اسٹار ہوٹل سے کم نہیں، فٹ بال کے شائقین کے لیے خاص ہے۔ اگر وہ ان خیموں میں رہنے میں دلچسپی رکھتے ہیں، تو اس کی قیمت 350 پاؤنڈ فی رات ہوگی۔

قطری تنظیم میں رہائش کے سربراہ عمر الجابر جو ایک ماہ تک جاری رہنے والے ایونٹ کی منصوبہ بندی کی نگرانی کررہے ہیں،نے تقریباً تین ماہ قبل کہا تھا کہ وہ فٹ بال ورلڈ کپ کے شائقین کے لیے ایک ہزار خیمے لگانے کا منصوبہ بنا رہے ہیں جن میں20 فیصد متعدد سہولیات کے ساتھ لگژری خیمے ہوں گے جو شائقین کے لیے ہوں جو سونے کی جگہ کے لیے کم بجٹ پر نہیں ہیں بلکہ صحرا میں رہنے اور زندگی کا تجربہ کرنے کے خواہشمند ہیں۔