سچ خبریں: غزہ کی پٹی میں آج علی الصبح فضائی حملوں اور رہائشی مکانات پر بمباری میں اضافے کے دوران بڑی تعداد میں بے گناہ فلسطینی شہید اور زخمی ہوئے ہیں۔
فلسطین الیوم چینل نے رپورٹ دی ہے کہ صہیونی غاصبوں نے خان یونس شہر کے مشرق میں واقع غزہ کی پٹی کے ہلال احمر کے قریب واقع الامل محلے میں رہائشی کمپلیکس کو نشانہ بنایا، اس وحشیانہ حملے کے دوران متعدد بے گناہ فلسطینی شہید اور متعدد زخمی ہوئے۔
یہ بھی پڑھیں: غزہ چاروں طرف سے صیہونی وحشی پن کا شکار
المیادین کے رپورٹر نے اس بات پر بھی تاکید کی کہ صبح سویرے صیہونی حکومت نے غزہ کی پٹی کے مختلف علاقوں بالخصوص غزہ شہر کے جنوب میں واقع تل الہوی اور الزیتونہ کے خلاف فضائی حملے کیے
اسرائیلی لڑاکا طیاروں نے غزہ کی پٹی کے شمال میں واقع جبالیا کیمپ میں رہائشی مکانات پر بھی بمباری کی۔
الجزیرہ نے اطلاع دی ہے کہ صیہونی حکومت کے فضائی حملوں نے خان یونس کے جنوب میں واقع علاقے بطن السمین کو وسیع پیمانے پر نشانہ بنایا ہے۔
دوسری جانب میڈیا رپورٹس میں غزہ کی پٹی کے جنوب میں واقع خان یونس میں ناصر میڈیکل سینٹر کے ارد گرد فلسطینی مزاحمتی فورسز اور جارحیت پسندوں کے درمیان شدید جھڑپوں کے واقعات کی نشاندہی ہوئی ہے۔
غزہ کی پٹی میں فلسطینی وزارت صحت نے جمعے کے روز اعلان کیا ہے کہ فلسطینی شہداء کی تعداد 24762 ہو گئی ہے۔
وزارت نے اس بات پر زور دیا کہ غزہ کی پٹی کے خلاف صیہونی حکومت کے وحشیانہ حملوں کے دوران کم از کم 62108 فلسطینی زخمی ہوئے۔
مزید پڑھیں: شمالی غزہ میں فلسطینی پناہ گزینوں کے خلاف صیہونی قابضین کی نئی جارحیت
غزہ کی پٹی میں فلسطینی وزارت صحت نے بتایا ہے کہ صیہونی غاصب فوج نے گذشتہ چند گھنٹوں میں فلسطینیوں کے خلاف 12 قتل اور جرائم کا ارتکاب کیا ہے جس کے نتیجے میں 142 فلسطینی شہید اور 278 زخمی ہوئے ہیں۔
