غزہ میں ایسا کیا ہوا کہ فرانس بھی پریشان

🗓️ 27 اپریل 2024

سچ خبریں: غزہ کی پٹی میں اجتماعی قبروں سے سینکڑوں فلسطینی شہداء کی لاشوں کی برآمدگی نے فرانس کو صیہونی حکومت کے اس وحشیانہ جرم پر تشویش کا اظہار کرنے پر مجبور کردیا۔

المیادین نیوز چینل کی رپورٹ کے مطابق جہاں ہر روز غزہ کی پٹی میں صیہونی حکومت کے جرائم کی ایک نئی جہت سامنے آتی ہے، وہیں مغربی ممالک ان جرائم کے بارے میں خاموش ہیں اور تل ابیب کو سیاسی اور فوجی حمایت جاری رکھے ہوئے ہیں۔

یہ بھی پڑھیں: غزہ کی تباہ کن صورتحال؛مصری ڈاکٹر کی زبانی

اس سلسلے میں فرانس کی وزارت خارجہ نے آج اعلان کیا ہے کہ غزہ کی پٹی میں واقع ناصر اور الشفا ہسپتالوں کے قریب اجتماعی قبروں میں 200 لاشوں کی دریافت کی خبر نے پیرس کو تشویش میں مبتلا کر دیا ہے۔

فرانسیسی وزارت داخلہ نے اعلان کیا کہ ہم غزہ میں اجتماعی قبروں کی دریافت کی تفصیلات کے بارے میں آزادانہ تحقیقات کرنا چاہتے ہیں۔

چند روز قبل فلسطینی ذرائع نے غزہ کی پٹی کے جنوب میں واقع خان یونس شہر میں ناصر ہسپتال کے علاقے میں ایک اجتماعی قبر سے 35 دیگر شہداء کی لاشیں نکالنے کا اعلان کیا تھا۔

اس رپورٹ کے مطابق ان 35 شہداء کی لاشوں کی دریافت کے ساتھ ہی ناصر اسپتال کی اجتماعی قبر سے دریافت ہونے والی لاشوں کی تعداد 310 ہوگئی ہے۔

فلسطینی امدادی فورسز نے غزہ کی پٹی کے جنوب میں واقع شہر خان یونس سے قابض فوج کے انخلاء کے بعد ناصر اسپتال کے علاقے میں اجتماعی قبروں کی نشاندہی کی۔

مزید پڑھیں: کیا اسرائیل غزہ میں نسل کشی کر رہا ہے؛ امریکہ کیا کہتا ہے؟!

 غزہ کی پٹی میں فلسطینی اتھارٹی کے انفارمیشن آفس کے ڈائریکٹر جنرل سلامہ معروف نے کہا لگتا ہے کہ ناصر ہسپأتال کے ادردگرد700 سے بزائد افراد مبلے تلے دبے ہوئئے ہیں۔