عرب ممالک کے لوگ رمضان میں کون سے ڈرامے دیکھتے ہیں؟

رمضان

?️

سچ خبریں:فلسطین اور صیہونی حکومت کے خلاف فلسطینی قوم کی جدوجہد پر توجہ کے ساتھ تیار کیے جانے والے ڈرامے اور رمضان کے مقدس مہینے میں ان کو نشر کرنا فلسطینی کاز کی صحیح تصویر پیش کرنے کا ایک اچھا موقع فراہم کرتا ہے۔

رمضان المبارک میں نشر ہونے والے سیریل اور ڈرامے مزاحمت کے تصور کو پیش کرنے اور فلسطینی قوم کی جدوجہد کی تاریخ کو دکھانے کا ایک اچھا موقع ہے اور اس تحریف سے بچانا ہے جو صیہونی حکومت اپنے میڈیا کے ذریعے نئی فلسطینی نسلوں تک پہنچانے کی کوشش کرتی ہے، وہ ہدایت کار جو خود کو  مزاحمت کے محور کا حصہ سمجھتے ہیں ، اس مہینے میں مختلف سیریل بناتے ہیں۔

1۔ میلاد الفجر 2
اس سیریل کے پہلے سیزن میں 30 اقساط ہیں اور یہ 2000 کے الاقصی انتفاضہ سے متعلق اہم ترین مسائل پر مبنی ہے،اس سلسلے کا دوسرا سیزن بھی الاقصیٰ انتفاضہ کے بارے میں ہے جو فلسطینی قوم کی مزاحمت کی تاریخ کا ایک اہم حصہ ہے،اس سلسلے میں جنوبی لبنان اور مغربی بقاع کی آزادی کا بھی ذکر ہے جو کسی نہ کسی طرح فلسطینی مزاحمت کو لبنانی مزاحمت سے جوڑتا ہے،اس سیریل کے اداکاروں نے محور مزاحمت کے 2 شہید کمانڈروں عماد مغنیہ اور مصطفی بدرالدین کا کردار بھی ادا کیا ہے۔ مذکورہ سیریل کو القدس الیوم سیٹلائٹ چینل، المنار اور فلسطین الیوم سمیت دیگر عربی چینلز پر دکھایا گیا ہے۔

2۔ ام الیاسمین
یہ سیریل نابلس شہر کے بارے میں پہلا سیریل ہے،اس کی کہانی 1929 سے 1935 کے دوران نابلس شہر میں ہونے والے واقعات اور برطانوی قبضے کے خلاف جدوجہد کے بارے میں ہے،اس سیریل کے فلسطینی ہدایت کار نے نابلس کے رہائشیوں کی ثقافت کو مزاحمتی فلسطینی معاشرے کے ایک مستند حصہ کے طور پر دکھانے اور ان کی جدوجہد کی لائن دکھانے کی کوشش کی، سیریل کا دوسرا سیزن 1948 میں فلسطین پر قبضے کے خلاف کی فلسطینی قوم کی مزاحمت کے بارے میں ہے۔

3۔ باب العامود 4
فلسطینی ہدایت کار اسماعیل الدباغ نے اس سیریل کا پہلا سیزن 2013 میں شروع کیا تھا اور اس رمضان میں چوتھا سیزن دکھایا ہے،باب العامود سیریل صیہونی غاصبوں کی موجودگی کے سائے میں بیت المقدس کے پرانے علاقے میں فلسطینیوں کی سماجی زندگی اور ان قابضین کی فلسطینیوں کو ان کی رہائش گاہوں سے بے دخل کرنے کی کوششوں کے بارے میں ہے۔

4۔ حاره القزازین
یہ سیریل فلسطینی اسیران کے اہل خانہ کے دکھوں اور تکالیف نیز فلسطینی شہداء کے جسد خاکی کو حوالے نہ کرنے پر صہیونی حکام کے اقدامات کے ساتھ ساتھ صیہونی آبادکاروں کی جارحیت اور الخلیل کے پرانے حصے کے مکینوں کے مسائل کے بارے میں ہے۔

5۔ درب الفداء
الاقصیٰ چینل فلسطینی قیدیوں کی زندگیوں اور ان کے بے لوث اور بہادرانہ اقدامات کے بارے میں اس دستاویزی سیریز کو نشر کر رہا ہے، اس سیریل میں ایک طرف صیہونی حکومت کی جیلوں میں قید فلسطینی اسیران کے حالات اور دوسری طرف ان کی گرفتاری کے لیے کی جانے والی کاروائیوں پر بات کی گئی ہے۔

یا د رہے کہ گزشتہ سال عرب سیٹلائٹ چینلز نے مسئلہ فلسطین اور صیہونی حکومت کے خلاف جدوجہد پر توجہ مرکوز کرتے ہوئے مختلف سیریز نشر کیں۔

مشہور خبریں۔

صہیونی مغربی کنارے میں ملک گیر انتفاضہ سے خوفزدہ

?️ 20 جنوری 2024سچ خبریں: 2007 سے غزہ کی پٹی میں فلسطینی مزاحمت کی منظم سرگرمیوں

صیہونی فضائیہ کے 1000 سے زائد افسروں اور پائلٹس کا غزہ جنگ بند کرنے کا مطالبہ

?️ 11 اپریل 2025سچ خبریں:صیہونی فضائیہ کے 1000 سے زائد ریزرو افسروں اور پائلٹس نے

مقبوضہ علاقوں میں خوف و ہراس

?️ 28 ستمبر 2025سچ خبریں: صہیونی حکومت کے ٹی وی چینل نیٹ ورک 14 نے

بھار ت نے مقبوضہ جموں وکشمیر کو ایک کھلی جیل میں تبدیل کر دیاہے: کل جماعتی حریت کانفرنس

?️ 10 جون 2025سرینگر: (سچ خبریں) غیرقانونی طورپر بھارت کے زیر قبضہ جموں وکشمیر میں

غزہ میں جو کچھ ہوا وہ نسل کشی سے بڑھ کر ہے: اسرائیلی پروفیسر

?️ 25 نومبر 2024سچ خبریں: صیہونی ٹی وی چینل 14 نے اعلان کیا کہ عبرانی یونیورسٹی

صیہونیوں کا کام سکھانے کے بہانے عرب نوجوانوں کو اپنی طرف راغب کرنے کا منصوبہ

?️ 1 فروری 2021سچ خبریں:صہیونیوں کی حمایت سے سائبر اسپیس پر چلنے والا ایک تعلیمی

اسرائیل اور بھارت ریاستی دہشتگردی کے مجرم ہیں۔ مفتی منیب الرحمن

?️ 4 مئی 2025کراچی (سچ خبریں) مفتی منیب الرحمن نے کہا ہے کہ بھارت اور

شہر حماس کے قبضے میں 

?️ 23 جنوری 2025سچ خبریں: جنگ بندی کا اختتام، غزہ سے انخلاء، علاقے کے شمال میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے