عراق میں امریکی فوج کی موجودگی کے بارے میں عراقی وزیر خارجہ کا بیان

🗓️ 3 مارچ 2024

سچ خبریں: عراقی وزیر خارجہ نے اس ملک میں تعینات امریکی فوج کے حوالے سے امریکی فریق کے ساتھ مذاکرات جاری رکھنے کا اعلان کیا۔

عراق کے وزیر خارجہ فواد حسین نے اسپوٹنک خبررساں ایجنسی کو انٹرویو دیتے ہوئے تاکید کی کہ عراق میں امریکی افواج کی موجودگی کے سلسلے میں امریکی فریق کے ساتھ ہمارے مذاکرات ابھی بھی جاری ہیں۔

یہ بھی پڑھیں: عراق میں امریکی قبضے کے بارے میں امریکی میگزین کی رپورٹ

انہوں نے مزید کہا کہ ہم اس سلسلے میں عراق اور امریکہ کی مشترکہ کمیٹی کی حتمی رپورٹ کا انتظار کر رہے ہیں۔

یاد رہے کہ عراق میں سیاسی دھاروں نے ان حملہ آوروں کو اپنے ملک سے نکالنے کے مطالبات میں اضافہ کر دیا ہے۔

فواد حسین نے ترکی میں انطالیہ کے سفارتی اجلاس کے موقع پر بھی کہا کہ امریکیوں نے 2 فروری کو عراقی سرزمین پر اپنے فضائی حملوں کی اطلاع نہ دینے پر بغداد سے معذرت کی۔

ریا نووستی خبر رساں ایجنسی کے ساتھ انٹرویو میں انہوں نے یہ بھی تاکید کی کہ عراق روس اور یوکرین کے درمیان ثالث کا کردار ادا کرنے کے لیے تیار ہے اگر دونوں ممالک کی طرف سے درخواست کی جائے۔

مزید پڑھیں: کیا عراق سے امریکیوں کے بوریا بستر سمیٹنے کا وقت آگیا ہے؟عراقی وزیراعظم کیا کہتے ہیں؟

فواد حسین نے مزید کہا کہ میں مارچ 2022 میں عرب لیگ کی رابطہ ٹیم میں شامل تھا جس میں مصر، الجزائر، اردن، متحدہ عرب امارات، سعودی عرب اور سوڈان کے وزرائے خارجہ موجود تھے، اس ٹیم کو ثالث کے طور پر کام کرنے کو کہا گیا تھا۔