سچ خبریں:صیہونی فوج کو غزہ کے خلاف کاروائی کرنے کے لیے تیار رہنے کا حکم دیا گیا ہے۔
اسرائیلی ٹیلی ویژن نے اطلاع دی ہے کہ اسرائیلی فوج کے جوائنٹ چیفس آف اسٹاف کے سربراہ آویو کوخاوی نے اپنی افواج کو آپریشن گارڈین آف دی والز کے لیے تیار رہنے کا حکم دیا ہے،گارڈین آف دی والز غزہ کی پٹی کے خلاف صیہونی حکومت کی حالیہ جارحیت (2021) کا نام ہے، دوسری جانب فلسطینی گروپوں نے اپنے آپریشن کو ” سیف القدس” کا نام دیا ہے۔
رپورٹ کے مطابق صہیونی فوج کے درمیان رات گئے (گزشتہ رات) تل ابیب پہنچنے کے بعد کوخوای نے کہا کہ اسرائیلی فوج کو ایک ماہ یا اس سے زائد عرصے کی کشیدگی میں اضافے کے امکان کے ساتھ ساتھ آپریشن وال ٹو کے لیے بھی تیار رہنا چاہیے۔
انہوں نے مزید کہا کہ اسلامی جہاد تحریک جنین میں گروپ کے متعدد ارکان کے قتل کے جواب میں غزہ سے راکٹ فائر کر سکتی ہے۔
جنین کے جنوب میں واقع عرب علاقے میں سنیچر کی علی الصبح ایک جھڑپ میں تین فلسطینی، اسلامی جہاد تحریک کے ارکان ہلاک اور دو صہیونی عسکریت پسند زخمی ہوئے۔
اس سلسلے میں فلسطین کی اسلامی جہاد تحریک کی عسکری شاخ سرایا القدس گروپ نے ایک فوجی پریڈ میں صیہونی حکومت کے ہاتھوں اس تحریک کے تین جنگجوؤں کے قتل کے جرم کا جواب دینے پر تاکید کی۔
دریں اثنا، اسرائیلی فوج کے ترجمان رون کوخاف نے کل (اتوار) کہا کہ فوج نے رمضان کے بارے میں بڑھتی ہوئی کشیدگی اور انتباہات کے درمیان مغربی کنارے میں اپنی کارروائیاں تیز کر دی ہیں۔
