صیہونی فوجی کیمپ پر فائرنگ

🗓️ 8 فروری 2022

سچ خبریں:فلسطینی مزاحمتی مجاہدین نے مغربی کنارے میں صیہونیوں کے خلاف اپنی مسلح جدوجہد جاری رکھتے ہوئے نابلس کے قریب ایک صیہونی فوجی بیرک پر فائرنگ کی۔
صہیونی میڈیا نے مغربی کنارے کے شمال میں واقع صہیونی قصبے ایتمار میں فائرنگ کی اطلاع دی صیہونی ٹیلی ویژن کے چینل 12 نے اطلاع دی کہ فائرنگ کا واقعہ ایتمار قصبے کے مضافات میں واقع اسرائیلی فوجی بیرک میں پیش آیا، یہ بیرک مقبوضہ فلسطینی علاقوں میں بنائی گئی ہے۔

چینل نے مزید کہا کہ فائرنگ سے اسرائیلی فوج کا کوئی جانی نقصان نہیں ہوا ،تاہم مقامی ذرائع کے مطابق اسرائیلی فورسز نے فائرنگ کے بعد مشرقی نابلس میں بیٹ فوریک چوکی کو بند کر دیا۔

اسی سلسلے میں حال ہی میں فلسطینی مزاحمت کاروں نے مغربی جنین میں صہیونی افواج پر فائرنگ کی جس سے ان کی فوجی گاڑی کو نقصان پہنچا، یادرہے کہ مئی 2021 میں ہونے والے صیف القدس جنگ کے بعد مغربی کنارے کے شہروں خاص طور پر نابلس اور جنین میں مسلح اور عوامی مزاحمت تیز ہو گئی ہے۔

واضح رہے کہ حال ہی میں صیہونی حکومت اور مغربی کنارے میں صیہونی بستیوں میں اضافے کے بعد جنین میں فلسطینی مزاحمتی گروہوں نے اپنی افواج کے درمیان ہائی الرٹ جاری کیا ہے اور صیہونیوں کو انتباہ دیا ہے کہ وہ اپنے جرائم سے باز آجائیں ورنہ نتائج کے خود ذمہ دار ہوں گے۔