صیہونیوں کے ہاتھوں مغربی کنارے میں مسجد کی توہین

🗓️ 15 دسمبر 2023

سچ خبریں: فلسطین کے وزیر اوقاف اور مذہبی امور نے مغربی کنارے میں ایک مسجد کے خلاف بچوں کی قاتل صیہونی فوج کے گھناؤنے اقدام پر ردعمل کا اظہار کیا۔

فلسطین کے اوقاف اور مذہبی امور کے وزیر خاتم البکری نے اناطولیہ خبررساں ایجنسی کو انٹرویو دیتے ہوئے کہا کہ اسرائیلی فوج کی جانب سے مغربی کنارے کی ایک مسجد پر قبضے اور اس کے اندر یہودیوں کا داخلہ ایک گھناؤنا جرم ہے جو کشیدگی میں اضافے کا باعث بنے گا۔

یہ بھی پڑھیں: صیہونی حماس کا غصہ مغربی کنارے کے بے گناہ نوجوانوں پر اتار رہے ہیں

فلسطین کے وزیر اوقاف اور مذہبی امور نے مزید کہا کہ جنین کیمپ میں واقع فلسطینی مسجد میں اسرائیلی فوجیوں کی حمایت سے یہودیوں کا داخلہ ایک غیر معمولی اور ناقابل قبول طرز عمل ہے۔

خاتم البکری نے مساجد کے خلاف اسرائیلی حملوں میں اضافے پر تشویش کا اظہار کرتے ہوئے کہا کہ یہ اقدام مساجد اور عبادت گاہوں پر حملوں کا لائسنس جاری کرنے کے مترادف ہے۔

انہوں نے کہا کہ اس صورتحال سے کشیدگی میں اضافے اور مساجد پر مزید حملوں کے سوا کچھ حاصل نہیں ہو گا، یہ ایک گھناؤنا جرم ہے اور ہم اسے مسترد کرتے ہیں۔

اناطولیہ خبر رساں ایجنسی کے مطابق مقبوضہ بیت المقدس کے داخلی سلامتی کے وزیر اتمار بن گوئر نے اس حکومت کے دہشت گرد فوجیوں کی جانب سے مقبوضہ مغربی کنارے میں واقع جنین شہر کی ایک مسجد کے اندر رسومات ادا کرنے کی ویڈیو شائع کی ہے۔

مزید پڑھیں: مغربی کنارے میں 7 اکتوبر سے اب تک 3200 فلسطینی گرفتار

3 روز قبل صہیونی فوج نے مقبوضہ مغربی کنارے کے جنین مہاجر کیمپ میں آپریشن شروع کیا ،فلسطینی وزارت صحت کے مطابق اس کاروائی کے دوران کم از کم 11 فلسطینی شہری شہید ہوئے۔