صہیونی امریکی منصوبے کا مقابلہ کرنے کے لیے تیار ہیں: لبنانی مزاحمتی تحریک کا اعلان

?️ 24 اکتوبر 2021

سچ خبریں:لبنانی حزب اللہ ایگزیکٹو کونسل کے سربراہ نے خطے میں صہیونی امریکی منصوبے کا مقابلہ کرنے کی تیاری پر زور دیتے ہوئے کہاکہ لبنان کی قومی مزاحمت خطے میں صہیونی امریکی منصوبے کا مقابلہ کرنے کے لیے تیار ہے۔

المنارچینل کی رپورٹ کے مطابق لبنانی حزب اللہ ایگزیکٹو کونسل کے چیئرمین سید ہاشم صفی الدین نے خطے میں امریکی صہیونی منصوبے کا مقابلہ کرنے کے لیے اپنی تیاری پر زور دیا، سید ہاشم صفی الدین نے کہاکہ لبنان کی قومی مزاحمت خطے میں صہیونی امریکی منصوبے کا مقابلہ کرنے کے لیے پوری طرح تیار ہے۔

انہوں نے مزید کہاکہ ہمارے پاس ایسی فتوحات اور مناظر ہیں جو صہیونی حکومت اور امریکہ برداشت نہیں کر سکتے، اس تنازعہ میں ہمارا مؤقف ایک کامیاب ماڈل فراہم کرنے کے لیے جنگ کی ذمہ داری لینا ہے۔

صفی الدین نےدشمن کا مقابلہ کرنے کے لیے تمام محاذوں پر مزاحمتی قوتوں کی موجودگی پر زور دیتے ہوئے کہا کہ امریکہ کا مقابلہ کرنے میں کمزوری اور خاموشی حرام ہے، حزب اللہ کے سینئر عہدیدار نے مزید کہاکہ ہم اپنے ملک اور خطے میں دشمن کو کمزور کرنے کے لیے بیک وقت دفاعی بنیاد اور حملے پر یقین رکھتے ہیں، ہم دشمن کے ساتھ محاذ آرائی کے میدان میں بھی تیار ہیں تاکہ اس کے تمام دعوؤں ، جھوٹ اور چالوں کو برملا کیاجاسکے۔

سمیر جعجع کی قیادت میں لبنانی فورسز پارٹی (القوات اللبنایہ) کی کارکردگی پر تنقید کرتے ہوئے انہوں نے کہاکہ اس پارٹی نے اپنے آپ کو دشمنوں کے منصوبوں اور ملک کے ساتھ غداری نیز ٹکڑے ٹکڑے کرنے کے مقاصد کے حصول کے لیے پیش کیا ہے۔

حزب اللہ کی ایگزیکٹو کونسل کے سربراہ نے مزید کہاکہ امریکہ اور اسرائیل ملک میں بغاوت کو ایجاد کرنے کا ارادہ رکھتے ہیں کیونکہ وہ براہ راست فوجی تصادم سے خوفزدہ ہیں۔

انھوں نے کہا کہ جوبھی جو امریکہ کے منصوبوں اور امریکی سفارت خانے کے اہداف کو پورا کرتا ہے وہ ملک اور اس کے مستقبل کو غیر مستحکم کرنے کے لیے کام کر رہا ہے اور یہ ایسی چیز ہے جس کی ہم نے ہمیشہ مخالفت کی ہے۔