شکاگو میں امریکی امیگریشن پولیس کی ہلاکت خیز کارروائی!

سچ خبریں: امریکی امیگریشن اینڈ کسٹمز انفورسمنٹ (ICE) کے مطابق ان کے اہلکاروں پر کار سے حملہ کرنے والے ایک مشتبہ شخص کو گولی مار کر ہلاک کر دیا گیا۔

امریکی محکمہ داخلی سیکورٹی کے ترجمان کے مطابق، ICE اہلکاروں نے اس شخص کو حراست میں لینے کی کوشش کی لیکن اس نے مزاحمت کرتے ہوئے اپنی گاڑی کو اہلکاروں کی طرف چلا دیا۔ ایک اہلکار، جس کے اوپر سے گاڑی گزری، نے فوری طور پر فائر کھول کر حملہ آور کو ہلاک کر دیا۔ حکام کا کہنا ہے کہ حملہ آور کو ہسپتال منتقل کیا گیا جہاں اس کی موت ہو گئی۔

امریکی امیگریشن پولیس کا کہنا ہے کہ اس شخص کا غیر قانونی تارکین وطن ہونے کا ریکارڈ موجود تھا اور اس کا ڈرائیونگ کا پرتشدد سابقہ بھی تھا۔ فرینکلن پارک کی مقامی پولیس کے ترجمان نے کہا کہ اس واقعے میں ان کے اہلکاروں کی کوئی شمولیت نہیں تھی۔

الینوائے کی گورنر جے بی پرٹزکر نے سوشل میڈیا پر ایک پیغام میں کہا کہ معاملہ ابھی ختم نہیں ہوا ہے، اور الینوائے کے عوام یہ یقینی بنانے کے حق دار ہیں کہ حکام پر مکمل احتساب ہو اور انہیں آج ہونے والے واقعات کی مکخل اور درست تفصیلات معلوم ہوں۔

فرینکلن پارک، جس کی آبادی تقریباً 18 ہزار ہے، شکاگو کے اوہیئر ایئرپورٹ کے قریب واقع ہے اور اس کی نصف آبادی ہسپانوی نژاد امریکیوں پر مشتمل ہے۔

صدر ڈونلڈ ٹرمپ کے حکم پر گزشتہ ہفتے امریکی امیگریشن حکام نے شکاگو میں اپنی کارروائیاں تیز کر دی ہیں۔