شنگھائی تعاون تنظیم کا عالمی حکمرانی کا منشور بروقت اور رہنمائی کرنے والا اقدام ہے:بیجنگ

شنگھائی تعاون تنظیم کا عالمی حکمرانی کا منشور بروقت اور رہنمائی کرنے والا اقدام ہے:بیجنگ

چین کے وزیرِ خارجہ وانگ یی نے شنگھائی تعاون تنظیم (SCO) کے سربراہی اجلاس کے اختتام پر کہا ہے کہ عالمی حکمرانی کا وہ منصوبہ جو اس اجلاس میں پیش کیا گیا، وقت کی ضرورت اور رکن ممالک کی ذمہ داریوں کا عکاس ہے۔

 تیانجین میں اختتامی اجلاس کے بعد وانگ یی نے تنظیم کے سیکریٹری جنرل نورلان یرمکبایف کے ہمراہ میڈیا سے گفتگو کرتے ہوئے کہا کہ موجودہ دور میں دنیا بڑی تبدیلیوں، علاقائی عدم استحکام، معاشی رکاوٹوں اور بڑھتی ہوئی اینٹی-گلوبلائزیشن تحریکوں کا سامنا کر رہی ہے۔ ایسے وقت میں صدر شی جن پنگ کی طرف سے پیش کیا گیا یہ اقدام بروقت اور رہنمائی کرنے والا ہے۔

وانگ یی کے مطابق، یہ منصوبہ عالمی برادری کے مطالبات اور دورِ حاضر کی فوری ضرورتوں کے عین مطابق ہے اور پیش ہوتے ہی مختلف ممالک اور بین الاقوامی اداروں نے اس کا خیر مقدم کیا ہے۔ ان کا کہنا تھا کہ عالمی حکمرانی کے اس منصوبے کی بنیاد پانچ اصولوں پر ہے:

چینی وزیرِ خارجہ نے کہا کہ یہ اصول اقوام متحدہ کے چارٹر کے مقاصد کے عین مطابق ہیں اور ان کا مقصد عالمی نظام کو وقت کے تقاضوں سے ہم آہنگ بناتے ہوئے زیادہ مؤثر اور منصفانہ انداز میں چلانا ہے۔

انہوں نے مزید کہا کہ چین اس منصوبے کو عالمی امن، کثیرالجہتی اور مشترکہ ترقی کی علامت سمجھتا ہے۔ چین ہر حال میں تاریخ کے درست رخ پر کھڑا رہے گا، تعاون کو فروغ دے گا اور محاذ آرائی کو مسترد کرے گا۔

یاد رہے کہ اجلاس کے اختتام پراعلامیہ تیانجین 2025 جاری کیا گیا جس میں صدر شی جن پنگ کے عالمی حکمرانی کے منصوبے کی تائید کی گئی۔ اس اعلامیے میں منشیات کی اسمگلنگ کے خلاف کارروائی، فلسطین کے مسئلے پر حمایت اور اسرائیلی جارحیت کی مذمت جیسے نکات بھی شامل تھے۔