شام کے تنازعہ کے تناظر میں اسرائیلی وزیر خارجہ کا دورہ ٔ ماسکو

?️ 8 ستمبر 2021

سچ خبریں:عرب میڈیا نے اسرائیلی وزیر خارجہ کے اس ہفتے کے آخر میں ماسکو کے دورے کو روسی ہتھیاروں کے استعمال سے شام پر صیہونی حکومت کے حالیہ میزائل حملوں کو ناکام بنانے سے جوڑ ا ہے۔

عرب میڈیا نے منگل کو اپنی رپورٹوں میں کہا ہےکہ حالیہ مہینوں میں روس اور اسرائیل کے درمیان کشیدگی میں اضافہ ہوا ہے اور یہ کہ یائر لاپڈ اس کشیدگی کو کم کرنے کے لیے ماسکو کا سفر کریں گے،صیہونی وزیر خارجہ یائر لاپڈ کے دفتر نے اتوار کو اعلان کیا کہ لاپڈ روس کے وزیر خارجہ سرگئی لاوروف سے ملاقات کے لیے روش ہشانہ (یہودی عید) کے اختتام کے بعد بدھ کو ماسکو کا دورہ کریں گے۔عہدہ سنبھالنے کے بعد روسی وزیر خارجہ کے ساتھ لاپڈ کی یہ پہلی ملاقات ہوگی۔

اس سلسلے میں شرق الاوسط اخبار نے لکھا کہ شام کا معاملہ ماسکو اور تل ابیب کے درمیان کشیدگی کے سب سے اہم مسائل میں سے ایک ہے اور یہ کہ اسرائیلی وزیر خارجہ کی اپنے روسی ہم منصب سے بدھ کو ملاقات متوقع ہے کیونکہ لاپڈ کے دفتر نے اعلان کیا ہے کہ وہ جمعرات کو تل ابیب واپس آئیں گے۔

سیاسی مبصرین کا کہنا ہے کہ یہ ملاقات روسی ماہرین کے تبصروں کے ساتھ ہوگی جنہوں نے تل ابیب کے ساتھ کشیدگی اور شام پر اسرائیلی فضائی حملوں کی سرد مہری کی نوعیت کے بارے میں بات کی ہے،شرق الاوسط کے مطابق اسرائیلی حکومت پریشان ہے کہ روس نے شام کے مختلف علاقوں میں اس کے فضائی حملوں کو ناکام بنانے کے لیے شام کو موثر ہتھیار فراہم کیے ہیں۔

اخبار کے مطابق سابق اسرائیلی وزیر اعظم بنیامین نیتن یاہو کے قریبی ذرائع نے پہلے کہا تھا کہ روس نےان کی حکومت سے وعدہ کیا تھا کہ شام کو فوجی امداد محدود کی جائے گی ، لیکن اس وقت دونوں ممالک کے درمیان سمجھوتوں کے اس کے باجود روس نے S-300 میزائل شام کو فراہم کیے جنہیں شام نے اسرائیل کے حملے روکنے میں استعمال کیا۔