روس کی صیہونی بحری جہاز پر حملے کے سلسلہ میں عائد الزامات کی تردید

?️ 5 اگست 2021

سچ خبریں:روس نے سلامتی کونسل کی جانب سے بحیرۂ عمان میں اسرائیلی جہازپر ہونےو الےحملے پر رد عمل ظاہر کیا اور صہیونی ذرائع کے کچھ تجزیوں کو مسترد کردیا۔

ٹاس نیوز ایجنسی کی رپورٹ کے مطابق اقوام متحدہ میں روس کے نائب سفیر دمتری پولیانسکی نے عمان کے سمندر میں اسرائیلی جہازپر حملے کے واقعے میں سلامتی کونسل کی مداخلت کرنے پر ردعمل ظاہر کیا، روسی سفارت کار نے بحیرہ عمان میں صیہونی جہاز "مرسر اسٹریٹ” کو پیش آنے والے واقعے کی تحقیقات کے بارے میں کہاکہ تل ابیب اور بعض ممالک کی جانب سے حالیہ مبینہ معلومات متضاد اور قیاس آرائیوں پر مبنی ہیں۔

اقوام متحدہ میں روس کے نائب سفیر نے کہا ہے کہ ماسکو تفصیلات کا جائزہ لے رہا ہے جبکہ حقائق کو واضح کرنے کے لیے کریملن نے کئی قیاس آرائیوں کے تجزیوں کو مسترد کر دیا ہے۔

واضح رہے کہ گذشتہ جمعرات سے جب سے اسرائیلی جہاز مرسر اسٹریٹ عمان سمندر میں تباہ ہوا ہے، کچھ علاقائی اور مغربی ذرائع ابلاغ نے فوری طور پر ایران کو مورد الزام ٹھہرایا اوریہ دعویٰ کیا کہ ایرانی ڈرونز نے جہاز کو نشانہ بنایا ہے۔

واضح رہے کہ یہ جھوٹا دعوی جس کے لیے اب تک کوئی ثبوت پیش نہیں کیا گیا ہے ، مغربی اور صہیونی حکام کی جانب سے ایران کے خلاف جھوٹے الزامات کی لہر کا باعث بنا ہے جس کا سلسلہ اب تک جاری ہے۔

دوسری جانب ، ایرانی وزارت خارجہ کے ترجمان سعید خطیب زادہ نے اپنے ٹوئٹر اکاؤنٹ پر ایک ٹویٹ شائع کیاکہ ایران خلیج فارس کی سلامتی کا ضامن ہونے کے ناطے برطانیہ اور ریاستہائے متحدہ کے اشتعال انگیز اور غیر ذمہ دارانہ بیانات کی شدید مذمت کرتا ہے۔