سچ خبریں:صیہونی قابض فوج نے مقبوضہ جوالان کے علاقے میزائل حملہ کیا جس کے نتیجہ میں 3 شامی فوجی شہید اور 7 زخمی ہوئے۔
شامی ذرائع ابلاغ کی رپورٹ کے مطابق صیہونی حکومت نے شام کے علاقے مقبوضہ جولان پر کئی میزائل داغے جس کے نتیجے میں شام کے 3 فوجی اہلکار جاں بحق اور 7 زخمی ہو گئے،اسی طرح دمشق کے گرد و نواح پر اسرائیل کے میزائلوں کو روس کے اینٹی میزائل سسٹم نے تباہ کر دیا۔
واضح رہے کہ صیہونی فوج شام میں دہشتگردوں کی حمایت میں آئے دن اس ملک کے بنیادی ڈھانچوں اور فوجی ٹھکانوں کو نشانہ بناتی ہے کیونکہ وہ شام میں دہشتگردوں کی مکمل شکست سے خائف اور اُسے اپنے نقصان میں تصور کرتی ہے۔
در ایں اثنا لبنان میں تعینات اقوام متحدہ کی امن فوج یونیفل نے بارہا اپنی رپورٹ میں کہا ہے کہ صیہونی حکومت تقریبا ہر روز اقوام متحدہ کی قراردادوں کی خلاف ورزی کرتے ہوئے لبنان کی ارضی سالمیت کی خلاف ورزی کرتے ہوئے اس ملک کے فضائی حدود کو شام پر حملوں کے لئے استعمال کرتی ہے، تاہم اقوام متحدہ سمیت پوری عالمی برادری سے اب تک صیہونیوں کے ان جرائم کے خلاف کوئی کاروائی نہیں جس سے قابض صیہونیوں فوجیوں کو مزید دہشتگردی کا موقع مل رہا ہے اور فلسطین کے ساتھ شام کے بے گناہ شہریوں کا قتل عام کر رہی ہے۔
