شام میں فوجی کارروائیوں کے لیے ترکی کی قومی سلامی کونسل کی ہری جھنڈی

?️ 29 مئی 2022

سچ خبریں:رجب طیب اردگان کے شام میں فوجی کارروائیوں کے بارے میں کابینہ کے اجلاس سے خطاب کے تین دن بعد ترکی کی قومی سلامتی کونسل نے ان کے ریمارکس کی توثیق کے لیے ایک اجلاس منعقد کیا اور جنوبی سرحد پر فوجی آپریشن کا مطالبہ کیا۔
ترکی کے صدر رجب طیب اردگان نے اعلان کیا کہ ترکی جلد ہی ملک کے جنوب میں ترکی اور شام کی سرحد سے 30 کلومیٹر کے فاصلے پر ایک "محفوظ زون” قائم کرنے کے لیے آپریشن شروع کرے گا، جس کا حتمی فیصلہ ترکی کی قومی سلامتی کونسل کے اجلاس میں کیا جائے گا۔

ترک صدر رجب طیب اردگان کے تبصرے کے بعدترکی کی قومی سلامتی کونسل نے اردگان کی صدارت میں ہونے والے اجلاس کے اختتام پر ایک بیان جاری کیا جس میں کہا گی کہ جنوبی سرحدوں [شام اور عراق] پر فوجی کارروائیاں قومی سلامتی کی ضرورت ہیں اور ہمسایہ ممالک کو امن فراہم کرتے ہیں۔

بیان میں کہا گیا ہے کہ جنوبی سرحدوں پر ہم جو فوجی آپریشن کر رہے ہیں اس نے کبھی بھی ہمارے پڑوسیوں کی علاقائی سالمیت کو نشانہ نہیں بنایا بلکہ یہ قومی سلامتی کی ضرورت ہے،بیان میں "دہشت گردی کی حمایت کر کے بین الاقوامی قانون کی خلاف ورزی کرنے والے ممالک سے یہ رویہ ختم کرنے اور ترکی کی سلامتی کی حساسیت پر غور کرنے کا مطالبہ بھی کیا گیا ہے۔