سچ خبریں:روس کی وزارت دفاع نے اعلان کیا ہے کہ شمالی شام پر روسی جنگی طیاروں کے حملے میں تقریباً 100 دہشت گرد مارے گئے۔
العالم نیوز چینل کی رپورٹ کے مطابق شام میں روسی مرکز برائے قومی مصالحت کے نائب صدر میجر جنرل اولیگ ایگوروف نے شام میں مسلح دہشت گردوں کے تربیتی اڈے پر روسی جنگی طیاروں کے حملے کی خبر دی، رپورٹ کے مطابق روسی فوجی عہدہ دار نے مزید کہا کہ حملے میں تقریباً 100 دہشت گرد مارے گئے،ایگوروف کے مطابق ترکی کے زیر کنٹرول شام کے شمال مغربی علاقوں عفرین اور تعز کے دو علاقوں میں مسلح دہشت گردوں کے درمیان لڑائی جاری ہے۔
روسی عہدہ دار نے اپنی بات جاری رکھتے ہوئے کہا کہ دہشت گرد گروہوں سے نمٹنے کے لیے روسی فضائیہ نے قطمہ کے شمال مشرق میں دہشت گردوں کے تربیتی اڈے پر فضائی حملہ کیا،ایگوروف نے مزید کہا کہ اس حملے میں اس اڈے کا کمانڈ سینٹر، گولہ بارود کا ڈپو ، ہیڈ کوارٹر، بھاری گولہ بارود اور میزائل فائر کرنے والے پلیٹ فارم سے لدی 15 گاڑیوں سمیت مختلف جنگی ساز و سامان مکمل طور پر تباہ ہو گیا۔
واضح رہے کہ یہ اس حقیقت کے باوجود ہے کہ شامی ذرائع نے اس سے قبل شامی فوج کی کارروائی کے دوران درعا کے شمالی مضافات میں داعش کے متعدد دہشت گردوں کی ہلاکت کی اطلاع دی تھی جن میں اس کا ایک رہنما بھی شامل تھا۔
