شام میں امریکی حمایت یافتہ دہشتگردوں کے ہاتھوں متعدد نوجوان اغوا

?️ 8 جنوری 2022

سچ خبریں:سیرین ڈیموکریٹک فورسز کے نام سے مشہور یکی حمایت یافتہ جنگجوؤں نے الحسکہ کے نواح میں واقع الیعربیہ کے علاقے میں رہنے والے متعدد نوجوانوں کو اغوا کر لیا۔
شام کی سرکاری نیوز ایجنسی سانا کی رپورٹ کے مطابق امریکی حمایت یافتہ شامی ڈیموکریٹک فورسز کی ملیشیا قسد نے الحسکہ کے مضافات میں الیعربیہ کے علاقے میں ابو مناصب اور الطاش نامی دیہاتوں سے متعدد نوجوانوں کو اغوا کرکے نامعلوم مقام منتقل کر دیا۔

رپورٹ کے مطابق، قسد ملیشیا عموماً قیدیوں کو قسد سے منسلک کیمپوں میں لے جاتی ہیں تاکہ انہیں بھرتی کیا جا سکے اور اپنی صفوں میں شامل کیا جا سکے، یادرہے کہ گزشتہ ہفتے امریکی ہیلی کاپٹروں کی مدد سے کرد عسکریت پسندوں نے دیر الزور کے شمالی مضافات میں العزبہ گاؤں سے متعدد نوجوانوں کو اغوا کر لیا،واضح رہے کہ قسد ملیشیا کے اپنے مطلوبہ لوگوں کو تلاش کرنے کے بہانے لوگوں کے گھروں پر حملوں میں حالیہ ہفتوں میں اضافہ ہوا ہے۔

قابل ذکر ہے کہ امریکی افواج شام کے الجزیرہ علاقے کے تیل سے مالا مال علاقوں میں تعینات ہیں جہاں سے وہ تیل اوراس کی مصنوعات چوری کرکے ملیشیاؤں کی ضروریات پوری کرکے شامی عوام کو مالی نقصان پہنچا رہی ہیں۔

یادرےہ کہ الحسکہ کےشامی باشندوں نے امریکی فوج کے قافلے کی بکتر بند گاڑیوں کا گزر بار بار روکا ہے اور امریکی فوجیوں کی موجودگی اور ان کے ذریعہ قسد ملیشیا کی حمایت پر احتجاج کرتے ہوئے انھیں گاؤں میں داخل ہونے سے روکا ہے۔