آئی ایم ایف رپورٹ میں کارٹلنگ کا ذکر ہوا، ہم انکو ایکسپوز کرنا چاہتے ہیں۔ مصدق ملک

?️ 24 نومبر 2025

اسلام آباد (سچ خبریں) وفاقی وزیر موسمیاتی تبدیلی ڈاکٹر مصدق ملک نے کہا کہ آئی ایم ایف رپورٹ میں کارٹلنگ کا ذکر ہوا، ہم ان کو توڑنا چاہتے ہیں، پاکستان کے کارٹل کو ہم ایکسپوز کرنا چاہتے ہیں۔

وفاقی وزیر موسمیاتی تبدیلی ڈاکٹر مصدق ملک کا کہنا تھا کہ 13 نشستوں پر ضمنی الیکشن ہوا ہے، تحریک انصاف کی بائیکاٹ والی منطق سمجھ سے باہر ہیں۔ مصدق ملک نے کہا کہ جب تحریک انصاف جیتے تو الیکشن تب ٹھیک ہوتا ہے؟ ہماری الیکشن کی ایسی تاریخ ہے کہ کوئی شکست تسلیم نہیں کرتا۔

انہوں نے کہا کہ آئی ایم ایف رپورٹ تو ہم نے خود شائع کی، یہ عجیب بات ہے یہ کہنا کہ آئی ایم ایف نے ہمیں چارج شیٹ کیا ہے، ریفارم ایجنڈے کے تحت رپورٹ کو شائع کیا گیا ہے، ریفارم ایجنڈے کو لے کر ہم آگے چل رہے ہیں۔

مصدق ملک کا کہنا تھا کہ اگر ہم رپورٹ شائع کر دیں تو کہتے ہیں آئی ایم ایف کا پریشر ہے، حکومت نےاتفاق رائے سے رپورٹ پبلش کی ہے، رپورٹ میں پی ٹی آئی کی پرانی شوگر مافیا کا بھی ریفرنس ہے۔