سچ خبریں:امریکی جریدے فارن افیئرز کے مطابق اب وقت آگیا ہے کہ امریکی افواج شام سے نکل جائیں۔
امریکی میگزین فارن افیئرز کے مطابق یوکرین میں جنگ اور امریکہ مخالف مزاحمتی گروپوں کے امریکی افواج کے خلاف خطرے نیز داعش کے خطرے میں کمی اور سکیورٹی خطرات میں اضافے کی وجہ سے اب وقت آگیا ہے کہ واشنگٹن شام سے اپنی افواج کو نکالے، اس میگزین نے اپنی ایک رپورٹ میں سب سے پہلے شام سے امریکہ کے غیر سوچے سمجھے انخلاء کو افغانستان سے تباہ کن انخلاء جیسا قرار دیتے ہوئے اس بات پر زور دیا کہ امریکہ کو ایک ایسا انتظام اختیار کرنا چاہیے جو اسے، ضرورت پڑنے پر داعش اور دیگر دہشت گرد گروپوں پر حملہ کرنے کے لیے ڈرونز کا استعمال کرنے کی اجازت دے۔
امریکی میگزین کے مطابق داعش کے تشدد میں کمی کے باوجود امریکہ اور روس کے درمیان کشیدہ حالات کی وجہ سے امریکی افواج کے خلاف خطرہ روز بروز بڑھتا جا رہا ہے نیز امریکہ اور روس کے درمیان کے درمیان کشیدگی اس حد تک بڑھ چکی ہے کہ شام میں تعینات دونوں ممالک کی افواج کے درمیان رابطہ بھی منقطع ہو چکا ہے۔
اپنی رپورٹ کے آخر میں میگزین نے تجویز پیش کی ہے کہ شام پر امریکی فوج کے داخلے کے تقریباً سات سال بعد وہاں سے امریکی انخلاء اس ملک کی فضائی حدود میں امریکہ کی موجودگی کو برقرار رکھنے کے لیے سفارتی معاہدے تک پہنچنے کے امکانات کو نمایاں طور پر بڑھا سکتا ہے لہذا اب وقت آگیا ہے کہ واشنگٹن اپنی افواج کو اس ملک سے نکال لے کیونکہ شام میں امریکی فوجی موجودگی کو اب اسٹریٹجک فوقیت نہیں بلکہ ایک کمزوری بن چکی ہے۔