شامی صدر اور عمان کے بادشاہ کے درمیان ٹیلی فون پر گفتگو

?️ 5 اپریل 2022

سچ خبریں:شام کے صدر بشار اسد اور عمان کے سلطان ہیثم بن طارق آل سعید نے ایک ٹیلی فون رابطے کےدوران دو طرفہ تعاون پر بات چیت کی۔
شام کی سرکاری نیوز ایجنسی سانا کے مطابق اس ملک کے صدر بشار الاسد اور عمان کے سلطان ہیثم بن طارق آل سعید نے رمضان المبارک کے مقدس مہینے کی آمد پر ایک دوسرے کو مبارکباد پیش کر کے دونوں ممالک کے عوام ، عرب اور اسلامی اقوام کے لیے نیک خواہشات اور تمناؤں کا اظہار کیا۔

رپورٹ کے مطابق اس ٹیلی فونک گفتگو میں شام اور عمان کے درمیان برادرانہ تعلقات اور دونوں ممالک کے درمیان دوطرفہ تعلقات جو مختلف شعبوں میں نمایان پیش رفت ہوئی ہے، پر توجہ مرکوز کی گئی،اس ٹیلی فونک کال میں تعاون کو مضبوط بنانے اور تعاون کے نئے افق کھولنے کے مقصد کیلیے مشترکہ کام کے تسلسل پر زور دیا گیا جس سے دونوں برادر ممالک کے درمیان تعلقات مزید مضبوط ہوں گے۔

رپورٹ کے مطابق عمان کے وزیر خارجہ بدر بن حمد البوسعیدی نے گزشتہ فروری میں شام کا دورہ کیا تھا جہاں انہوں نے اپنے شامی ہم منصب کے ساتھ ایک ملاقات میں کہا کہ ہم ملاقات اور [شام جیسے عرب ممالک کے ساتھ] بات چیت کے بارے میں پر امید ہیں اور ہمارے خیال ہے کہ واحد صحیح راستہ عرب ممالک کے درمیان تعلقات کی بحالی ہے۔