شامی جج نے سابق صدر بشار الاسد کے خلاف غیابی گرفتاری کا حکم جاری کیا ہے

شامی جج نے سابق صدر بشار الاسد کے خلاف غیابی گرفتاری کا حکم جاری کیا ہے

 شامی جج توفیق العلی نے سابق صدر بشار الاسد کے خلاف غیابی گرفتاری کا حکم جاری کیا ہے تاکہ ان کے خلاف بین الاقوامی سطح پر کارروائی کی جا سکے۔

رپورٹ کے مطابق، جج توفیق العلی نے بشار الاسد پر "قتل عمد، تشدد سے ہلاکت اور آزادی سے محرومی” جیسے سنگین الزامات عائد کیے ہیں۔

جج العلی کا کہنا ہے کہ یہ عدالتی اقدام انٹرپول کے ذریعے گرفتاری کے حکم اور بین الاقوامی سطح پر کیس کو آگے بڑھانے کا راستہ ہموار کرتا ہے۔

انہوں نے وضاحت کی کہ یہ فیصلہ ان متاثرہ خاندانوں کی شکایات کی بنیاد پر کیا گیا ہے جن کے پیارے 21 نومبر 2011 کو صوبہ درعا میں ہونے والے واقعات میں جاں بحق ہوئے تھے۔

یاد رہے کہ شام میں مسلح مخالفین نے 27 نومبر 2024 کو بشار الاسد کو اقتدار سے ہٹانے کے مقصد سے شمال مغربی، مغربی اور جنوب مغربی حلب کے علاقوں میں آپریشن شروع کیا تھا۔ گیارہ دن کی جھڑپوں کے بعد، 18 دسمبر 2024  کو انہوں نے دمشق پر کنٹرول حاصل کرنے اور بشار الاسد کے ملک چھوڑنے کا اعلان کر دیا تھا۔