مغرب گریٹر اسرائیل کا خواہاں، ہم اپنی بقا کا دفاع کر رہے ہیں: شیخ نعیم قاسم

حزب اللہ لبنان کے سربراہ شیخ نعیم قاسم نے کہا ہے کہ موجودہ حالات میں ہم ایک وجودی جنگ کا سامنا کر رہے ہیں اور مغربی ممالک دراصل ایک بڑے اسرائیل کے قیام کے خواہاں ہیں۔

شیخ نعیم قاسم نے ایران کو عالمی سطح پر مضبوط اور قیام پذیر قرار دیتے ہوئے کہا کہ ایران اس دور میں امریکہ اور اسرائیل کو شکست دینے کی صلاحیت رکھتا ہے۔ اُن کا کہنا تھا کہ جو کوئی خدا کے ساتھ ہے، وہ آخرکار کامیاب ہوگا۔

انہوں نے زور دیا کہ لبنان اور فلسطین میں روزانہ اسرائیلی حملے جاری ہیں اور دشمن جب جنگجوؤں کو نشانہ نہیں بنا سکتا تو عام شہریوں اور گھروں کو تباہ کرتا ہے۔ شیخ نعیم نے کہا کہ دشمن کی جارحیت کے سامنے تسلیم نہیں ہونا چاہیے اور زندگی بذلت یا شہادت میں، ہم شہادت کو ترجیح دیتے ہیں۔

دبیرکل حزب اللہ نے مغرب پر تنقید کرتے ہوئے کہا کہ وہ اسرائیل کی حفاظت کے نام پر دراصل اسرائیلِ بزرگ کے قیام کے خواہاں ہیں، جبکہ مزاحمت کے حامیان آزادی اور خودمختاری کی علامت ہیں۔

انہوں نے انتخابات کی اہمیت پر بھی زور دیا اور کہا کہ حزب اللہ قانون کے مطابق پارلیمانی انتخابات کی حمایت کرتا ہے۔شیخ نعیم قاسم نے اپنی تقریر میں ایران کی کامیابیوں کی بھی تعریف کی اور عالمی مظاہر میں ایران کو تاج اور نگین قرار دیا۔