تاجکستان کے وزیر دفاع نے آرمی چیف سے ملاقات کی

?️ 14 جولائی 2021

روالپنڈی(سچ خبریں) .پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ سے تاجکستان کے وزیردفاع کی ملاقات ہوئی ہے جس میں باہمی دلچسپی کے امور پر تبادلہ خیال کیا گیا آئی ایس پی آر کے مطابق ملاقات میں خطے کی سیکورٹی صورتحال اور تاجک افغان سرحد کی صورتحال کا بھی جائزہ لیا گیا اور پاک تاجک دفاعی شعبوں میں تعاون بڑھانے پر بھی غور کیا گیا.

اس موقع پر تاجک وزیر دفاع نے کہا کہ پاکستان نے علاقائی امن و استحکام میں کلیدی کردار ادا کیا، پاکستان کی افغان امن کیلئے کاوشیں قابل قدر ہیں. آئی ایس پی آر کے مطابق ملاقات میں تاجک وزیر دفاع نے دوطرفہ برادرانہ تعلقات میں مزید بہتری کے عزم کا اظہار کیاآرمی چیف نے علاقائی روابط کے فروغ کیلئے تاجکستان کی کوششوں کو سراہا اور کہا کہ دونوں ممالک کا علاقائی امن اور سیکورٹی امور پر یکساں موقف ہے.