سیکڑوں صیہونی آبادکاروں کا مسجد الاقصی پر حملہ

🗓️ 16 اکتوبر 2022

سچ خبریں:آج اتوار کے روز سیکڑوں صیہونی آبادکاروں نے صیہونی حکومت کی فوج کی وسیع حمایت کے ساتھ المغاربہ گیٹ کی سمت سے قدس شریف میں مسجد الاقصی کے صحنوں پر حملہ کیا۔

فلسطینی خبر رساں ایجنسی وفا کی رپورٹ کے مطابق قدس اسلامی اوقاف کے محکمے نے اعلان کیا کہ 250 سے زائد صیہونی آباد کاروں نے یکے بعد دیگرے گروپوں میں مسجد اقصیٰ پر حملہ کیا، ان میں سے درجنوں نے القطانین گیٹ کے پاس اپنی خصوصی مذہبی تقریب بھی ادا کی۔

وفا نے اشارہ کرتے ہوئے کہا کہ قابض حکومت کے پولیس دستوں نے مسجد اقصیٰ اور اس کے دروازوں کے اندر اپنی موجودگی کو تیز کر دیا ہے نیز مسجد میں داخل ہونے پر فلسطینیوں کے خلاف پابندیاں مزید تیز کر دی ہیں جبکہ دوسری جانب فلسطینی شہریوں نے مسجد اقصیٰ کے اندر اور اردگرد اپنی موجودگی مضبوط کرتے ہوئے صہیونی آبادکاروں کے حملوں کا مقابلہ کیا اور اللہ اکبر کے نعرے لگائے نیز قرآن پاک کی تلاوت کی۔

یاد رہے کہ صہیونی آبادکاروں کی طرف سے یہ حملے یہودی عید عرش کی تقریب کے ساتویں روز مبینہ ہیگل نامی صیہونی گروپوں کی طرف سے دی گئی کال کے جواب میں کیے گئے، تاہم فلسطینی مجاہدین اور قدس شریف کی عوام نے ڈٹ کر ان کا مقابلہ کیا۔