سچ خبریں:عبرانی زبان کے ذرائع نے انکشاف کیا ہے کہ اسرائیل کو توقع ہے کہ سعودی ولی عہد تخت بادشاہی پر بیٹھنےکے بعدسب سے پہلے تل ابیب کے ساتھ سعودی عرب کے تعلقات معمول پر لانے کا اعلان کریں گے۔
سعودی لیکس کی رپورٹ کے مطابق عبرانی ذرائع نے انکشاف کیا ہے کہ اسرائیل کو توقع ہے کہ سعودی ولی عہد محمد بن سلمان تخت سنبھالتے ہی تل ابیب کے ساتھ تعلقات کو معمول پر لانے کا اعلان کریں گے،رپورٹ کے مطابق اسرائیلی سکیورٹی ذرائع نے میڈل ایسٹ آئی بتایا کہ انہوں نے پیش گوئی کی ہے کہ جیسے ہی محمد بن سلمان اپنے بزرگ اور بیمار والد شاہ سلمان کی وفات کے بعد تخت پر بیٹھیں گےتو اسرائیل کے ساتھ سفارتی تعلقات قائم ہونے کا امکان ہے۔
رپورٹ کے مطابق 2020 میں ابراہیم نامی معاہدے پر دستخط کے بعد جب سے صیہونیوں کے ساتھ تعلقات کی معمول پر آنا شروع ہوئے تو اسرائیل متحدہ عرب امارات، بحرین اور مراکش کے ساتھ مکمل سفارتی اور تجارتی تعلقات قائم کرنے اور اپنے انٹیلی جنس تعلقات کو مضبوط بنانے میں کامیاب رہا ہا۔
اب صرف اسرائیل سعودی تعلقات ہی خفیہ ہیں جو سابق امریکی صدر ڈونلڈ ٹرمپ کی حوصلہ افزائی اور دباؤ کے باوجود ریاض ابھی تک اسرائیل کے ساتھ تعلقات کو معمول پر لانے کے لیے رائے عامہ کو اپنی طرف متوجہ نہیں کر سکا ہے۔
دریں اثنا، بن سلمان کی قیادت میں سعودی عرب، اسرائیلی حکومت کے ساتھ سکیورٹی کے سلسلہ میں تعاون جاری رکھے ہوئے ہے نیز اس میں تیزی لاتا ہے اور مزید ہتھیار خریدتا ہے۔
