سچ خبریں:یمن کی فوج اور عوامی کمیٹیوں کے ترجمان نے جمعہ کی شام اعلان کیا کہ جنوبی سعودی عرب کے ابہا بین الاقوامی ہوائی اڈے پر واقع فوجی اور حساس مقامات کو نشانہ بنایا گیاہے۔
المسیرہ ٹیلی ویژن چینل نے اطلاع دی ہے کہ انصار اللہ سے وابستہ فوجی دستوں اور یمنی عوام کی کمیٹیوں نے سعودی عرب کے بین الاقوامی ہوائی اڈے پر ابہا پر واقع فوجی حساس علاقوں پر ڈرون حملے کیے، یمن کی مسلح افواج کے ترجمان یحیی سریع نے بتایا کہ جمعہ کی شام کو یمن فوج کی فضائیہ نے قاصف 2 K یو اے وی کے ساتھ حملہ کیا اور یہ نشانہ درست رہا۔
انہوں نے مزید کہاکہ یہ حملہ سعودی جارح اتحادمیں شامل ممالک کی طرف سے یمن کےخلاف جارحیت اور جامع محاصرے کے جواب میں کیا گیا تھا،یادرہے کہ جمعہ کی صبح بھی یمنی فوج نے جیزان ہوائی اڈے پر سعودی جنگی طیارے کے ایک ہینگر کو قاصف 2ڈرون سے نشانہ بنایا۔
یادرہےکہ پچھلے چھ سال سے سعودی عرب نے امریکہ کی حمایت اور کچھ دیگر عرب ریاستوں کے ساتھ مل کر غریب عرب ملک پر اپنی جارحیت اور محاصرے کا آغاز کیا ہوا ہے جس کے نتیجہ میں اس ملک کا نوے فیصد بنیادی ڈھانچہ تباہ ہو گیا ہے اور ہزاروں بے گناہ بچے اور خواتین شہید ہوچکے ہیں، جو حملوں اور بمباری سے بچ جاتے ہیں وہ دواؤں کی قلت کی وجہ سے متعدد بیماریوں کا شکار ہوکر مر جاتے ہیں اس لیے کہ ملک میں دوائیں نہیں ہیں اور بیماروں کو ملک سے باہر جانے کی بھی اجازت نہیں ہے کیونکہ جارح اتحاد نے سب ہوائی اڈے بند کر رکھے ہیں۔
