سعودی عرب کا مسجد الحرام میں سکیورٹی پلان

?️ 13 جون 2023

سچ خبریں:اعمال حج کو یقینی بنانے کے لیے سکیورٹی پلان پیش کرنا اور ان مناسک کے انعقاد کے لیے لائسنس جاری کرنے کے لیے اہم شرائط کا تعین سعودی عرب میں اس سال حج سے متعلق اہم ترین خبروں میں سے ایک ہے۔

القاہرہ 24 نیوز ایجنسی کی رپورٹ کے مطابق، مسجد الحرام اور مسجد النبی کے حکام نے اس سال مناسک حج کے دوران ان مقدس مقامات اور ان کے ارد گرد کے علاقوں میں حفاظتی منصوبوں کا اعلان کیا اور کہا کہ اس پلان میں حجاج کرام کی تعداد کی جانچ اور سکیورٹی اداروں کے ساتھ مسلسل تعاون کرنا بھی شامل ہے۔

رپورٹ کے مطابق اس سال کے مناسک حج کے لیے سعودی حکام کے سکیورٹی پلان میں خدا کے گھر کے مہمانوں کے لیے مخصوص داخلی راستوں کا تعین اور بہتر خدمات کی فراہمی کے لیے نماز کے اوقات میں حاجیوں کی نسبتہ تعداد کا تعین کرنا بھی شامل ہے۔

رپورٹ میں کہا گیا ہے کہ معمر افراد اور معذور افراد کو امداد فراہم کرنا ، پیدل چلنے والے راستوں کی دیکھ بھال ، صحت کی جانچ کرنا اور موسم کی صورتحال کا جائزہ لینا مذکورہ منصوبے میں شامل ہیں۔

واضح رہے کہ اس وقت مسجد الحرام میں 500 سے زائد سکیورٹی فورسز مختلف مقامات کی حفاظت اور مرکزی کراسنگ کی نگرانی نیز آگ بجھانے کے نظام کی جانچ کے لیے تعینات ہیں۔

دوسری جانب سعودی وزارت حج و عمرہ نے پیر کو اعلان کیا کہ عازمین حج مناسک حج کے دوران ہجوم سے آگاہ رہیں اور سکیورٹی فورسز کی ہدایات پر توجہ دیں۔