سابق شامی فوجیوں کی جولانی حکومت کے خلاف کارروائی 

سچ خبریں: نیویارک ٹائمز کی ایک رپورٹ کے مطابق، شام کے سابق فوجی جنرل، جو اس وقت روس اور لبنان میں مقیم ہیں، جولانی حکومت کے خلاف فوجی کارروائیوں کی منصوبہ بندی کر رہے ہیں۔

رپورٹ میں بتایا گیا ہے کہ بشار الاسد حکومت کا زوال نہ صرف اس دور کے فوجی اور سیکیورٹی کمانڈروں کے اثر و رسوخ کو کم نہیں کر پایا، بلکہ اس نے شام سے باہر ان کی صفوں کی ازسرنو تعمیر کا راستہ ہموار کیا ہے۔ ان کا مقصد فوجی تحرکات کے ذریعے جولانی حکومت کو نشانہ بنانا اور بعض علاقوں پر کنٹرول حاصل کرنا ہے۔

نیویارک ٹائمز نے اپنی رپورٹ میں لکھا ہے کہ انٹرویوز اور اس نیٹ ورک کے مرکز میں ہونے والی کالز اور پیغامات کے جائزے کی بنیاد پر، سابق شامی جنرلوں میں بشار الاسد کی خصوصی افواج کے کمانڈر سہیل الحسن اور سابق فوجی انٹیلی جنس سربراہ کمال الحسن شامل ہیں۔

رپورٹ میں یہ بھی کہا گیا ہے کہ سہیل الحسن کے پاس شام میں تقریباً 168,000 فوجی ہیں، جن میں سے ہزاروں کے پاس فوجی ساز و سامان ہے۔ بشار الاسد کے قریبی ساتھی رامی مخلوف بھی ان کی حمایت کرتے ہیں۔

یہ بات قابل ذکر ہے کہ جولانی اور اس کے حامی عناصر کے شام میں برسراقتدار آنے کے بعد سے ملک کے مختلف علاقوں میں قتل و غارت، لوٹ مار اور تشدد میں شدت آئی ہے۔