زرقان الٹراسونک میزائل ٹیسٹ کا تسلسل2024 میں پھر شروع ہوگا:روس

?️ 23 نومبر 2021

سچ خبریں:روسی وزارت دفاع کے باخبر لوگوں نے اعلان کیا کہ ماسکو 2024 سے زرکان نامی الٹراسونک میزائل کو لانچ کرنے کا عمل دوبارہ شروع کرے گا۔
روسی وزارت دفاع کے باخبر ذرائع نے ٹاس کو بتایا کہ روسی آبدوزوں سے زرقان الٹراسونک میزائل کی تیاری کے تجربات 2024 میں دوبارہ شروع کیے جائیں گے، ٹاس نیوز ایجنسی کا مزید کہنا ہے کہ وہ آزادانہ طور پر مذکورہ معلومات کی تصدیق یا تردید نہیں کرتی،یادرہے کہ یہ خبر اس وقت سامنے آئی ہے جب روسی بحریہ نے پہلے ہی اپنی آبدوزوں سے دو میزائل لانچ کرنے کے ساتھ ساتھ اس موسم گرما میں ایک بحری ڈزسٹرائر سے میزائل لانچ کیا ہے۔

یادرہے کہ روس کا الٹراسونک میزائل لانچنگ ایسے وقت میں جاری ہے جبکہ امریکی فوج کے خلائی آپریشنز کے نائب سربراہ جنرل ڈیوڈ تھامسن نے کینیڈا کے شہر ہیلی فیکس میں بین الاقوامی سکیورٹی کانفرنس میں بتایا کہ امریکہ الٹراسونک ٹیکنالوجی کے میدان میں چین اور روس سے بہت پیچھے ہے۔

یادرہے کہ اس سے قبل امریکی محکمہ دفاع نے اعلان کیا تھا کہ امریکی فوج کے الٹراسونک میزائل نے ٹھیک سے کام نہیں کیا اور اس کا تجربہ ناکام ہوگیا ہے، الٹراسونک راکٹ آواز کی رفتار سے کم از کم پانچ گنا زیادہ پرواز کرتے ہیں، لیکن ان کی اتنی تیز رفتاری سے سمت بدلتے ہوئے فضا میں سرکنے کی صلاحیت موجودہ ریڈارز سے انہیں ٹریک کرنا اور تباہ کرنا عملی طور پر ناممکن بنا دیتی ہے۔