ریاض کا شنگھائی تعاون تنظیم میں شمولیت کا فیصلہ

🗓️ 30 مارچ 2023

سچ خبریں:سعودی عرب کی وزراء کونسل نے اپنے اجلاس میں ریاض حکومت کے شنگھائی تعاون تنظیم میں شمولیت کے فیصلے کی منظوری دی۔

سعودی حکومت کی سرکاری خبر رساں ایجنسی WAS کے مطابق اس ملاقات میں سعودی وزراء نے شنگھائی تنظیم میں ریاض کو ڈائیلاگ پارٹنر کا درجہ دینے کے لیے مفاہمت کی ایک یادداشت پر اتفاق کیا۔

خبر رساں ذرائع نے اس بارے میں مزید تفصیلات نہیں بتائی ہیں تاہم یہ فیصلہ سعودی آرامکو کی جانب سے گزشتہ روز چین میں اپنی سرمایہ کاری میں کئی ارب ڈالرز کے اضافے کے اعلان کے بعد کیا گیا ہے۔

خبر رساں ادارے رائٹرز نے اپنے باخبر ذرائع کے حوالے سے اطلاع دی ہے کہ اس تنظیم میں سعودی عرب کی شمولیت پر بات چیت گزشتہ دسمبر میں چینی صدر شی جن پنگ کے حالیہ دورہ ریاض کے دوران ہوئی تھی۔

سعودی عرب کو درمیانی مدت میں شنگھائی تعاون تنظیم میں شمولیت کے لیے مکمل رکنیت ملنے سے پہلے ڈائیلاگ پارٹنر کا درجہ پہلا قدم ہو گا۔ ایک ایسی تنظیم جس میں چین کے علاوہ ایران اور روس بھی رکن ہیں۔