سچ خبریں: روسی میڈیا نے اس ملک کے صدر کے حوالے سے کہا ہے کہ روس ایک مختلف اور غیر معمولی ہتھیار بنا رہا ہے۔
روسی میڈیا نے منگل کے روز روسی صدر ولادیمیر پیوٹن کے حوالے سے کہا کہ ماسکو مخصوص خصوصیات کے ساتھ ایک ایسا ہتھیار بنانے کی کوشش کر رہا ہے جو کسی بھی ملک میں سلامتی کی ضمانت دے سکتا ہے۔
یہ بھی پڑھیں:روسی صدر جنگ میں مصروف فوج سے ملنے کہاں پہنچے؟
مشرقی روس میں واقع شہر ولادی ووستوک میں منعقد ہونے والے "ایسٹرن اکنامک فورم” کے اجلاس کے رابطہ کاروں کے ساتھ ایک میٹنگ میں، پیوٹن نے مزید کہا کہ اگر ہم سکیورٹی کے شعبے کو دیکھیں تو نئی خصوصیات کی بنیاد پر تیار کیے گئے ایسے ہتھیار مستقبل قریب سامنے آئیں گے جو کسی بھی ملک کی سلامتی کو یقینی بنا سکتے ہیں اور ہم اس کو اچھی طرح سمجھتے ہیں اور اسے حاصل کرنے کی کوشش کررہے ہیں۔
اسپوٹنک نیوز ایجنسی کی رپورٹ کے مطابق منفرد خصوصیات کے حامل ہتھیار جدید کوالیٹیٹو ٹیکنالوجیز یا پہلے غیر استعمال شدہ ٹیکنالوجیز کے ساتھ تیار کیے جاتے ہیں۔
مزید پڑھیں: روس اور نیٹو کے درمیان تصادم کا امکان
یاد رہے کہ اس سال کا آٹھواں ایسٹ اکنامک فورم کا اجلاس "تعاون کی راہ پر، امن اور خوشحالی” کے نعرے کے ساتھ 10 ستمبر کو شروع ہوا اور 13 ستمبر 2023 تک مشرق بعید کی وفاقی یونیورسٹی کے کیمپس میں ولادی ووستوک میں جاری رہے گا۔
واضح رہے کہ اس سال کے مشرقی اقتصادی فورم میں ایشیا اور یورپ کے متعدد ممالک (بیلاروس، قزاقستان، منگولیا، سنگاپور، فلپائن، ویت نام، میانمار اور لاؤس کے نمائندوں کے ساتھ سات چین، بھارت اور شمالی کوریا کے وفود شرکت کر رہے ہیں۔
