سچ خبریں:ایرانی صدر نے غزہ کی پٹی میں صیہونی حکومت کے حالیہ جرائم کی مذمت کرتے ہوئے فلسطینی عوام کی مزاحمت کو سراہتے ہوئے کہا کہ صیہونی حکومت کے جرائم کے خلاف ڈٹ جانے سے بلاشبہ اس حکومت کے زوال میں تیزی آئے گی۔
کورونا سے نمٹنے کے قومی ہیڈکوارٹرز کے اجلاس میں اسلامی جمہوریہ ایران کے صدر سید ابراہیم رئیسی نے تقریر کرتے ہوئے امام حسین اور ان کے ساتھیوں کی شہادت کے ایام پر تعزیت پیش کرتے ہوئے ان دنوں کے اہم واقعات کا تذکرہ کیا اور کہا کہ صیہونی حکومت نے گزشتہ شب جارحیت کرکے ایک بار پھر دنیا کے سامنے اپنے قبضے اور جارحیت کا مظاہرہ کیا
انہوں نے کہا کہ غزہ کے عوام کی مزاحمت بچوں کی قاتل اس قابض حکومت کے زوال کو تیز کرے گی، انہوں نے افغانستان میں امریکہ اور صیہونی حکومت کے تفرقہ انگیز ایجنٹوں اور کرائے کے قاتلوں کی سازش کی طرف بھی اشارہ کیا اور کہا کہ افغانستان میں امام حسین کے عزاداروں پر حملہ کرنے والے اس زمانے اور اس دور کے متکبر یزیدی ہیں جو مسلمانوں کو تقسیم کرنے کے درپے ہیں ، افغانستان کے حکمرانوں کے لیے ضروری ہے ان مجرموں کی نشاندہی کرے اور تمام افغان عوام کی سلامتی کو یقینی بنائے۔
