حزب اللہ کے جنگجوؤں کا شیخ نعیم قاسم کے نام پیغام

سچ خبریں: لبنان میں حزب اللہ کے جنگجوؤں نے ایک پیغام میں مزاحمت کے نظریات اور حزب اللہ کے سیکرٹری جنرل سے اپنی بیعت کا اعادہ کیا ہے۔

اس پیغام میں کہا گیا ہے :

اسلامی مزاحمت کے جنگجوؤں کی طرف سے امت اسلامی کے سید الشہداء سید حسین نصراللہ (قدس سرہ) کے نام کہ اے ہمارے سید، آپ کی آواز کی بازگشت آج بھی ہمارے اندر ایک انقلاب برپا کرتی ہے۔ ہم ذلت و رسوائی کا بوجھ نہیں اٹھائیں گے اور ہر ظالم اور جابر سے کربلائی انتقام کے خواہاں ہیں۔ وقت گواہی دے گا کہ حزب اللہ فتح یاب ہے۔

اس خط کے تسلسل میں حزب اللہ کے سیکرٹری جنرل شیخ نعیم قاسم سے خطاب کرتے ہوئے کہا گیا ہے کہ اے ہمارے بزرگ شیخ، اللہ پر اور ہم پر بھروسہ کیجیے، اور مطمئن رہیے کہ اگر آپ ہمیں حکم دیں کہ اس سرزمین پر اپنی جانیں قربان کر دیں اور ہل بھی نہیں، تو ہم جہاں بھی ہونا چاہیے، آپ کے حکم کے تابع، ہر میدان میں تیار ہوں گے۔ ہم نے اپنے ہتھیار زمین پر نہیں رکھے اور نہ ہی رکھیں گے۔

اس پیغام کے تسلسل میں کہا گیا ہے کہ اسلامی مزاحمت کے مجاہدین کی طرف سے اس سرزمین کے شریف ترین اور پاکیزہ ترین لوگوں کے نام؛ ہم اس سرزمین اور اس مزاحمت کے لیے آپ کے صبر اور قربانیوں کو خراج تحسین پیش کرتے ہیں۔ ہم عہد کرتے ہیں کہ اپنی سب سے قیمتی متاع یعنی اپنا خون اور جان آپ کی عزت و کرامت کے لیے پیش کریں گے۔