سچ خبریں:صیہونی حکومت کے نابلس، جنین اور الخلیل کے علاقوں پر حملے کے جواب میں قدس بریگیڈز نے جنین کے قریب صہیونی بستی میراف میں آپریشن اور اس کی طرف فائرنگ کا اعلان کیا۔
المیادین چینل کی رپورٹ کے مطابق فلسطین کی جہاداسلامی تحریک سے وابستہ قدس بٹالینز – جنین بریگیڈ نے جنین کے قصبے جلبون کے قریب واقع قصبے میرافمیں صیہونی مخالف آپریشن کرنے کا اعلان کیا۔
قدس بٹالین – جنین بریگیڈ نے اس آپریشن کے بارے میں ایک مختصر بیان جاری کرتے ہوئے کہا کہ جنین بریگیڈ کے ایک یونٹ نے خداتعالیٰ کی مدد سے جلبون شہر کے قریب صہیونی قصبے میراف کو شدید اور مسلسل گولہ باری سے نشانہ بنانے میں کامیابی حاصل کی، ہمارے مجاہدین آپریشن کی جگہ سے بحفاظت نکلنے میں کامیاب ہو گئے۔
قدس بریگیڈ نے اس بیان میں تاکید کی ہے کہ وہ صیہونیوں کے خلاف کاروائیاں جاری رکھے گی اور جہاد کا راستہ کھلا ہے ،اس راستے کا خاتمہ یا تو فتح یا شہادت ہے۔
اسی دوران غاصب صیہونی حکومت کے فوجیوں نے مقبوضہ مغربی کنارے کے شمال مغرب میں طولکرم میں واقع نور شمس کیمپ پر حملہ کیا جس کے بعد ان کے اور مزاحمت کاروں کے درمیان جھڑپ شروع ہوگئی۔ اس کے علاوہ قابض فوج نے نابلس، جنین اور الخلیل کے متعدد علاقوں پر حملے کیے۔
