جنین میں ایک فلسطینی نوجوان کی شہادت، صیہونیوں کے خلاف مسلح استقامت

🗓️ 26 جنوری 2023

سچ خبریں:آج صبح مغربی کنارے کے جنین کیمپ میں استقامتی جنگجوؤں اور قابض فوج کے درمیان شدید مسلح تصادم کے واقعات اور 24 سالہ صائب عصام محمود ازریقی نامی فلسطینی نوجوان کی شہادت کی اطلاع دی ہے جس کی عمر 24 سال تھی۔

واضھ رہے کہ اس نوجوان فلسطینی کی شہادت کے ساتھ رواں سال کے آغاز سے اب تک جنین کیمپ میں شہید ہونے والوں کی تعداد 10 ہو گئی ہے۔
سیکورٹی ذرائع کی رپورٹ کے مطابق جنین کیمپ میں اس وقت شدید جھڑپیں ہوئیں جب استقامتی جنگجوؤں کو معلوم ہوا کہ قابض حکومت کے خصوصی یونٹ کے متعدد فوجی کیمپ میں گھس آئے ہیں۔

ان ذرائع نے مزید کہا کہ صیہونی حکومت کے خصوصی یونٹ کے فوجیوں کی شناخت کے بعد استقامت کاروں نے انہیں گولیوں اور دھماکہ خیز مواد سے نشانہ بنایا قابض اپنے مزید فوجیوں کو جینن کیمپ میں بھی بھیج رہے ہیں۔
فلسطینی ذرائع کے مطابق ان جھڑپوں میں اب تک چھ فلسطینی نوجوان شدید زخمی ہو چکے ہیں۔ اس دوران قابض فورسز نے ہلال احمر کے عملے کو زخمیوں کے علاج کے لیے جنین کیمپ میں داخل ہونے سے روک دیا اور کیمپ کی بجلی کاٹ دی۔

جنین میں محکمہ تعلیم نے یہ بھی اعلان کیا ہے کہ اس شہر میں قابض افواج کے حملے کی وجہ سے اسکولوں کے شروع ہونے کے وقت صبح 9 بجے تک موخر کردیئے گئے ہیں۔