جنگ بندی کی نئی تجاویز پر حماس کا ردعمل

?️ 29 اپریل 2024

سچ خبریں: فلسطین کی اسلامی مزاحمتی تحریک حماس کے سیاسی بیورو کے رکن نے غزہ میں جنگ بندی کے حوالے سے مذاکرات کے نئے دور کے بارے میں ردعمل کا اظہار کیا۔

یہ بھی پڑھیں: صیہونی حکومت پر بڑھتے دباؤ میں جنگ بندی مذاکرات کا دوبارہ آغاز

شہاب نیوز ویب سائٹ کی رپورٹ کے مطابق فلسطین کی اسلامی مزاحمتی تحریک کے سیاسی دفتر کے رکن عزت الرشق نے ایک بیان میں تاکید کی ہے کہ ہم ثالثوں کی طرف سے موصول ہونے والے صیہونی حکومت کے جواب پر غور کر رہے ہیں۔

اسلامی مزاحمتی تحریک حماس کے سیاسی دفتر کے ایک رکن نے تاکید کی کہ جنگ بندی معاہدے کے حوالے سے صیہونی حکومت کے ردعمل کے سلسلے میں اس تحریک کے موقف ، نام یا اس سے منسوب ذرائع سے کوئی بیان جاری نہیں کیا گیا ہے۔

مزید پڑھیں: کیا حماس اپنے مطالبات سے پیچھے ہٹے گی؟

عزت الرشق نے کہا کہ صیہونی حکومت کا جواب جو ہمیں حال ہی میں ثالثوں کی طرف سے موصول ہوا ہے ، ابھی زیر غور ہے۔

واضح رہے کہ عالمی سطح پر خاص طور پر مغربی ممالک کی یونیورسٹیوں میں صیہونی قابض حکومت کی وسیع پیمانے پر ہونے والی مخالفت کے بعد صیہونی حکومت اس نتیجہ پر پہنچے ہیں کہ مزاحمتی تحریک کے ساتھ مذاکرات کے سوا کوئی چارہ نہیں ہے۔