سچ خبریں:روس نے ماسکو میں امریکی سفارت خانے کو ایک انتباہی پیغام دیتے ہوئے کہا کہ وہ یوکرین میں خصوصی فوجی کاروائیوں کے بارے میں غلط خبریں پھیلانا بند کرے۔
ٹاس نیوز ایجنسی نے روسی وزارت خارجہ کے ایک باخبر ذریعے کے حوالے سے لکھا کہ اس وزارت کی جانب سے امریکی سفارت خانے کو دی گئی وارننگ میں نئے امریکی سفیر لین ٹریسی کے لیے ایک تیز پیغام بھی شامل ہے جس میں انہیں کہا گیا ہے کہ وہ یوکرین میں روس کی مسلح افواج کے بارے میں بیان جاری کرتے وقت انتہائی سنجیدگی کے ساتھ ماسکو کے قانون کی پیروی کریں۔
ٹاس خبر رساں ایجنسی نے اس باخبر ذریعے کے حوالے سے مزید کہا کہ تخریبی سرگرمیوں میں ملوث امریکی سفارت کاروں کو ملک بدر کر دیا جائے گا کیونکہ روس نے اپنی مسلح افواج کو بدنام کرنے کو جرم قرار دیا ہے جس کی سزا 5 سال قید ہے جب کہ فوج کے بارے میں غلط معلومات پھیلانے پر 15 سال قید کی سزا ہے۔
امریکہ کی نئی سفیر ٹریسی گزشتہ ماہ ماسکو پہنچی تھیں،ٹاس کی رپورٹ کے مطابق امریکی سفارتخانے کو منگل کے روز سرکاری روسی میمورنڈم موصول ہوا جس اس ملک کے سفارت کاروں پر روسی قیادت کے بارے میں نامناسب بیانات شائع کرنے کا الزام لگایا گیا تھا۔
