تھائی لینڈ میں اپوزیشن جماعتوں کی فیصلہ کن فتح؛ فوج انگشت بہ دنداں

🗓️ 18 مئی 2023

سچ خبریں:تھائی لینڈ میں ہونے والے پارلیمانی انتخابات کے ابتدائی نتائج اس ملک میں اپوزیشن کی دو جماعتوں کی فیصلہ کن فتح کی نشاندہی کر رہے ہیں۔

روئٹرز خبر رساں ادارے کی رپورٹ کے مطابق تھائی لینڈ کے پارلیمانی انتخابات کے ابتدائی نتائج کے مطابق حزب اختلاف کی دو جماعتوں پو تھائی اور فارورڈ موومنٹ نے سب سے زیادہ نشستیں حاصل کی ہیں جس کے بعد تقریباً ایک دہائی کے بعد اس ملک کی فوجی حکومت کو چیلنج کرنے کا راستہ کھل جائے گا۔

تھائی لینڈ کے الیکشن کمیشن کے اعلان کے مطابق 99 فیصد ووٹوں کی گنتی کے بعد اپوزیشن جماعتوں نے اس ملک کی برسراقتدار فوجی جماعتوں کو بھاری شکست سے دوچار کر دیا ہے جس کے بعد یہ دونوں جماعتیں تھائی لینڈ کے ایوان نمائندگان میں باآسانی بھاری اکثریت حاصل کر سکتی ہیں۔

تاہم، اس ملک کے سیاسی ڈھانچے میں 250 رکنی سینیٹ نے زیادہ تر اختیارات پر قبضہ کر لیا ہے اگرچہ اس پارلیمنٹ کے تمام اراکین کی تقرری فوجی حکومت نے کی ہے۔

تھائی لینڈ میں ووٹوں کی ابتدائی گنتی کی درجہ بندی میں دائیں بازو کی دونوں پارٹیاں 71 اور 40 نشستوں کے ساتھ تیسرے اور چوتھے نمبر پر آئی ہیں،یاد رہے کہ تھائی لینڈ میں پارلیمانی نشستیں 400 آزاد نشستوں اور 100 پارٹی نشستوں کی بنیاد پر تقسیم کی جاتی ہیں جبکہ پارٹیاں قومی ووٹوں کے اپنے حصہ کی بنیاد پر پارلیمنٹ میں نشستیں جیتتی ہیں۔